Эмомалӣ Раҳмон: «Соли равон нахустин маротиба корвони мошинҳои боркаши Ширкати миллии логистикии Покистон ба Тоҷикистон ворид шуд»
ДУШАНБЕ, 03.07.2024 /АМИТ «Ховар»/. Соли равон дар асоси муқаррароти Созишномаи моҳи декабри соли 2022 баимзорасида «Дар бораи тиҷорати транзитӣ», нахустин маротиба аз Покистон корвони мошинҳои боркаши Ширкати миллии логистикии Покистон ба Тоҷикистон ворид шуд. Мо умед дорем, ки доираҳои сармоягузори кишвари дӯсти Покистон дар фаъолияти минтақаҳои озоди иқтисодии Тоҷикистон ва татбиқи лоиҳаҳои бузургу миёнаи он иштироки фаъолу судманд хоҳанд дошт. Дар ин хусус Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар нишасти матбуотӣ, ки 2 июл пас аз музокирот бо Сарвазири Ҷумҳурии Исломии Покистон Шаҳбоз Шариф барпо гардид, иброз доштанд.
Президенти Тоҷикистон дар нишасти матбуотӣ сатҳи имрӯзаи ҳамдастиву эътимоди сиёсии миёни ду кишварро баланд арзёбӣ намуда, муколамаи мунтазам ва пурмазмуни сиёсиро омили такондиҳандаи ҳамкории гуногунҷанбаи ду ҷониб донистанд.
«Дар айни замон мувофиқи мақсад мебуд, ки арсаи ҳамкории иқтисодӣ тавассути идомаи самарабахши кори Комиссияи муштараки байниҳукуматӣ тавсеа дода шавад.Дар ҷараёни мулоқоти сатҳи олӣ мо ба таври муфассал маҷмӯи масъалаҳои муносибатҳои тиҷоративу иқтисодӣ, илмиву техникӣ ва фарҳангии дуҷонибаро мавриди баррасӣ қарор додем»,-изҳор намуданд Сарвари давлат.
Пешвои миллат муҳтарам Эмомалӣ Раҳмон натиҷаҳои мулоқотҳои имрӯзаро омили муҳимми таҳкиму тавсеаи тамоми маҷмӯи ҳамкории Тоҷикистон ва Покистон арзёбӣ намуда, хотирнишон сохтанд, ки имрӯз ҷонибҳо бастаи нави санадҳои ҳамкориро ба имзо расониданд, ки заминаи ҳуқуқии муносибатҳои байнидавлатии ду кишвари ба ҳам дӯстро дучанд тақвият мебахшанд.
«Бахусус, мехоҳам аҳаммияти таърихии Созишнома дар бораи шарикии стратегиро таъкид намоям.Бовар дорам, ки сатҳи сифатан нави робитаҳои ду ҷониб омили рушди самарабахши онҳо дар ҳамаи самтҳои ҳамкорӣ хоҳад гардид»,- тазаккур доданд Сарвари давлат.
АКС: Хадамоти матбуоти Президенти Ҷумҳурии Тоҷикистон/ АМИТ «Ховар»
Бахшида ба Наврӯз дар Боку шоми фарҳангии «Chakan Fashion Show: мероси анъанаҳо давоми асрҳо» баргузор шуд
Изҳороти Вазорати корҳои хориҷии Ҷумҳурии Тоҷикистон бобати расидан ба оташбас дар Ховари Миёна
Ҳамкории Тоҷикистону Русия дар доираи созмонҳои байналмилалӣ баррасӣ гардид
Конфронси чоруми байналмилалии сатҳи баланд Тоҷикистонро ҳамчун давлати фаъол дар ҳалли масъалаҳои обу иқлим муаррифӣ менамояд
Сафири Тоҷикистон бо ёвари Котиби энергетикаи Иёлоти Муттаҳидаи Амрико мулоқот намуд
Дар Душанбе омодагӣ ба Саммити сарони давлатҳои «Осиёи Марказӣ-Ҷумҳурии Корея» баррасӣ гардид
Дар Миср Ҷашни байналмилалии Наврӯзро таҷлил намуданд
Дар шаҳри Анқара Ҷашни Наврӯзи байналмилалиро таҷлил намуданд
Ҳайати Тоҷикистон дар ҷаласаи ҳафтуми мақомоти ҳифзи муҳити зисти давлатҳои аъзои СҲШ дар Бишкек иштирок намуд
Дар Боку машваратҳои консулии Тоҷикистону Озарбойҷон баргузор шуданд
Сафири Тоҷикистон бо Вазири федералии адлияи Покистон мулоқот намуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Ҳиндустон баргузор гардиданд
