Фурудгоҳҳои байналмилалии Тоҷикистон дар соли равон ба зиёда аз 1,6 миллион мусофир хизмат расонидаанд
ДУШАНБЕ, 24.07.2024 /АМИТ «Ховар»/. Соли равон фурудгоҳҳои байналмилалии Тоҷикистон ба 1 миллиону 667 ҳазору 900 мусофир хизмат расонидаанд. Дар ин хусус директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода имрӯз дар нишасти матбуотӣ ба доираи васеи хабарнигорони ватанию хориҷӣ иттилоъ дод.
Таъкид гардид, ки дар ин давра Фурудгоҳи байналмилалии «Душанбе» ба 1 миллиону 141 ҳазор мусофир, Фурудгоҳи байналмилалии «Хуҷанд» ба 391,4 ҳазор мусофир, Фурудгоҳи байналмилалии «Кӯлоб» ба 94,8 ҳазор мусофир ва Фурудгоҳи байналмилалии «Бохтар» ба 40,7 ҳазор мусофир хизмат расонидаанд. Инчунин дар ин давра теъдоди хатсайрҳо ба 5 ҳазору 787 адад баробар гардид.
Гуфта шуд, ки дар шаш моҳи якуми соли равон аз фурудгоҳҳои байналмилалии Ҷумҳурии Тоҷикистон ба давлатҳои хориҷи дуру наздик як ширкати ҳавопаймоии ватанӣ- «Ширкати ҳавопаймоии Сомон Эйр» ва 12 ширкати ҳавопаймоии хориҷӣ, аз қабили «Ют Эйр», «Уральские авиалинии», «Северный ветер», «Сибирь-S7», «Ямал»-и Федератсияи Русия, «Эйр Астана»-и Ҷумҳурии Қазоқистон, «Узбекистон ҳаво йуллари»-и Ҷумҳурии Узбекистон, «Флай Дубай»-и Аморати Муттаҳидаи Араб, «Туркиш Эйрлайнз»-и Ҷумҳурии Туркия, «Вориш Эйрлайнз»-и Ҷумҳурии Исломии Эрон, «Ҷазира Эйрвейз»-и Давлати Қувайт парвозҳои мунтазамро иҷро намудаанд.
Ҳабубибулло Назарзода афзуд, ки Агентии авиатсияи граждании назди Ҳукумати Ҷумҳурии Тоҷикистон фаъолияти худро дар ин давра дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, қарору фармоишҳои Ҳукумати Ҷумҳурии Тоҷикистон,талаботу қоидаҳои Ташкилоти байналмилалии авиатсияи гражданӣ (ИКАО), Кодекси фазои ҳавоии Ҷумҳурии Тоҷикистон, қоидаҳои авиатсионии мамлакат ва дигар санадҳои меъёрии ҳуқуқӣ ба роҳ монда, ҷиҳати рушди соҳаи авиатсияи граждании мамлакат, ки яке аз соҳаҳои афзалиятнок ва калидӣ дар рушди иқтисоди мамлакат арзёбӣ мегарадад, корҳои назаррасро анҷом додааст.
Марзия САИДЗОДА,
АМИТ «Ховар»
АКС: АМИТ «Ховар»
Ба Тоҷикистон низоми муосири баҳисобгирии дороиҳои роҳҳо «ROMDAS» ворид карда шудааст
«Тоҷикаэронавигатсия»: «Дар шаш моҳи соли равон шумораи парвозҳои транзитӣ афзуда, дар муқоиса ба ҳамин давраи соли гузашта 70,5 фоиз зиёд гардидааст»
Тоҷикистону Узбекистон ҷиҳати бехатарии молу маҳсулот ва баҳодиҳии мутобиқат нақшаи корӣ таҳия намуданд
Байни Душанбе ва Лондон роҳи ҳавоӣ ифтитоҳ мегардад
Соли равон дар бозорҳои истеъмолии ҷумҳурӣ зиёда аз 560 ҳазор ташхиси маҳсулоти озуқаворӣ гузаронида шуд
Хадамоти алоқа: «Дар Тоҷикистон ҷиҳати таъмин намудани алоқаи мобилии насли 4 G 157 истгоҳи базавӣ насб гардид»
Соли равон дар Тоҷикистон ҳаҷми боркашонӣ 13,8 фоиз ва мусофирбарӣ 9 фоиз афзудааст
«ҲИФЗИ МОРХӮР: СТРАТЕГИЯҲО ВА ТАҶРИБАҲОИ САМАРАНОК». Таҳти ин унвон дар Ню-Йорк доир ба ташаббуси Тоҷикистон ҳамоиш доир шуд
Тоҷикистон ва Маҷористон ҳамкориро дар соҳаи авиатсия рушд медиҳанд
«ХАТЛОН ИНВЕСТ-2024». Дар шаҳри Бохтар Форуми байналмилалии сармоягузорӣ доир мегардад
Дар Брюсел фаъолияти CANSO дар нимаи аввали соли 2024 натиҷагирӣ гардид
Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
