Ифтитоҳи намояндагиҳои бонкҳои Озарбойҷон дар Тоҷикистон дар мулоқоти роҳбарони бонкҳои марказии ҳар ду давлат баррасӣ шуд
ДУШАНБЕ, 01.07.2024 /АМИТ «Ховар»/. Таҳкими ҳамкории байнибонкии Тоҷикистон ва Озарбойҷон дар мулоқоти раиси Бонки миллии Тоҷикистон Фирдавс Толибзода бо раиси Бонки марказии Ҷумҳурии Озарбойҷон Толеҳ Казимов имрӯз дар Душанбе баррасӣ гардид, иттилоъ медиҳад хабаринигори АМИТ «Ховар».
Мулоқот дар доираи ҷаласаҳои Гурӯҳи электорати Хазинаи байналмилалии асъор ва Бонки ҷаҳонӣ баргузор гардида, дар он ҷонибҳо доир ба масъалаҳои марбут ба густариши ҳамкории байнибонкӣ ибрози назар намуданд. Хусусан имзои «Ёддошти тафоҳум байни Бонки миллии Тоҷикистон ва Бонки марказии Ҷумҳурии Озарбойҷон» ва «Ёддошт байни Департаменти мониторинги молиявии Бонки миллии Тоҷикистон ва Хадамоти мониторинги молиявии Бонки марказии Ҷумҳурии Озарбойҷон оид ба ҳамкорӣ дар самти муқовимат ба қонунигардонӣ (расмикунонӣ) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом»-ро натиҷаи мусбати вохӯрӣ ва ташрифҳои мутақобилаи роҳбарони бонкҳои марказии ду давлати бо ҳам дӯст арзёбӣ намуданд.
Дар ҷараёни мулоқот ҷонибҳо инчунин доир ба тақвияти ҳамкории низоми бонкии ҳар ду давлат табодули назар карда, изҳор доштанд, ки ҷиҳати боз ҳам баланд бардоштани сатҳу сифати ҳамкорӣ талош хоҳанд намуд.
Ҳамзамон таъкид гардид, ки фароҳам овардани шароит ҷиҳати кушодани бонк ё намояндагиҳои бонкҳои Ҷумҳурии Озарбойҷон, рушди муносибатҳои муросилотии бонкҳои тиҷоратии ҳар ду мамлакат, табодули таҷриба дар соҳаи назорати бонкӣ ва суғурта, рушди бозори сармоя ва татбиқи стандартҳои байналмилалии ҳисоботи молиявӣ аз масъалаҳои навбатии муносибатҳои дуҷониба маҳсуб мешаванд.
АКС: АМИТ «Ховар»
Институтҳои молиявии ҷаҳонӣ ҳамкории самаранокро бо Тоҷикистон идома медиҳанд
«CASA-1000». Вазири энергетикаи Тоҷикистон ва Губернатори Хайбар-Пахтунхваи Покистон ҳамкории энергетикиро дар доираи ин тарҳ баррасӣ намуданд
Аз 1 то 3 июл дар Тоҷикистон Ҷаласаи гурӯҳи электорати Хазинаи Байналмилалии Асъор ва Бонки ҷаҳонӣ баргузор мегардад
Пешвои миллат Эмомалӣ Раҳмон: «Ҳаҷми истеҳсоли маҳсулотро зиёд намуда, ба масъалаи захираи маводи зарурӣ дар ҳар як оила эътибори аввалиндараҷа диҳем»
ҚУРБИ АСЪОР: 1 доллари ИМА аз 10.6638 то 10.7500 сомонӣ муқаррар шудааст
ПАРВАРИШИ КИВӢ ДАР ТОҶИКИСТОН. Сокини ноҳияи Кӯшониён кивиро дар замини наздиҳавлигӣ парвариш мекунад
ТИРГОН – ҶАШНИ КИШОВАРЗОН. Имрӯз дар Душанбе ҷашни Тиргон таҷлил гардид
ТИРГОН ҶАШНИ ТОБИСТОН АСТ. Ин ҷашни миллии мо асоси илмиву таърихӣ ва фарҳангиву маънавӣ дорад
МАРҲАБО, БА ҶАШНИ ТИРГОН. Имрӯз дар Душанбе ҷашни Тиргон таҷлил мегардад
Ҳамкории тиҷоратии Тоҷикистон ва Амрико тақвият меёбад
Пагоҳ дар «Боғи Ирам»-и Душанбе ҷашни Тиргон, иди зардолу ва намоиши «Хушкмеваҳои Тоҷикистон» баргузор мегардад
ЭКСПО ЧИН-АВРУОСИЁ. Дар 8-умин намоишгоҳи байналмилалӣ гӯшаи Тоҷикистон ташкил карда шуд
