Мусобиқаи ҷумҳуриявӣ аз намуди волейбол барои дарёфти Ҷоми Раиси ВМКБ бо пирӯзии дастаи Бадахшон 1 анҷом ёфт
ХОРУҒ, 28.07.2024 /АМИТ «Ховар»/. Дар Маҷмааи варзишии шаҳри Хоруғ Мусобиқаи ҷумҳуриявӣ аз намуди волейбол барои дарёфти Ҷоми Раиси Вилояти Мухтори Кӯҳистони Бадахшон, ки дар он даҳ даста аз шаҳру ноҳияҳои ҷумҳурӣ иштирок намуданд, бо пирӯзии дастаи Бадахшон -1 ба поён расид.Ҷойҳои дуюму сеюмро дастаҳои Душанбе- 2 ва Бадахшон- 2 гирифтанд, хабар медиҳад мухбири минтақавии АМИТ «Ховар».
Мусобиқаи мазкур аз 20 то 23 июл баргузор гардид, ки дар он даҳ даста аз шаҳру ноҳияҳои ҷумҳурӣ иштирок намуданд. Аз Вилояти Мухтори Кӯҳистони Бадахшон се даста, аз шаҳри Душанбе 2 даста, шаҳру ноҳияҳои тобеи ҷумҳурӣ ду даста ва аз вилоятҳои Суғду Хатлон иштирок карданд.
Сармураббии дастаи Бадахшон -3 Саидҳасаншо Саидҳастаншоев баргузории чунин мусобиқаҳоро дар рушди волейбол ва кафшу ҷалби наврасону ҷавонон ба тимҳои мунтахаби вилояту ҷумҳурӣ хеле муҳим шумурда, гуфт, ки дар ин мусобиқа низ чеҳраҳои нав аз маҳорату истеъдоди худ дарак доданд ва мо кӯшиш мекунем, ки минбаъд онҳоро бештар ба омӯзишу тамринҳо ҷалб намоем.
Дар давоми се рӯзи рақобат, дастаҳои Бадахшон -1 ва Душанбе- 2 ҳамаи рақибони худро бо пирӯзӣ пушти сар гузоштанд ва дар бозии ниҳоӣ дар рӯ ба рӯи ҳам қарор гирифтанд.
Дар ин бозӣ дастаи Бадахшон -1 дастаи Душанбе -2-ро шикаст дода, дар сархати ҷадвали мусобиқа қарор гирифт ва Ҷоми Раиси Вилояти Мухтори Кӯҳистони Бадахшонро соҳиб гашт. Дастаҳои Душанбе- 2 ва Бадахшон -2 соҳиби ҷойҳои дуюму сеюм шуда, бо медалҳои нуқра ва биринҷӣ сазовор дониста шуданд.
АКС: АМИТ «Ховар»
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
