Нисбат ба 24 корманди Корхонаи фаръии давлатии «Бақайдгирии молу мулки ғайриманқул» парвандаи ҷиноятӣ кушода шуд
ДУШАНБЕ, 29.07.2024 /АМИТ «Ховар»/. Тибқи иттилои Прокуратураи генералии Ҷумҳурии Тоҷикистон, дар шашмоҳаи аввали имсол нисбат ба 36 нафар, аз ҷумла нисбат ба 24 корманди Корхонаи фаръии давлатии «Бақайдгирии молу мулки ғайриманқул» дар шаҳру ноҳияҳо ва 12 хизматчии давлатӣ барои содир намудани ҷиноят парвандаи ҷиноятӣ кушода шуда, қариб ҳамаи онҳо аз вазифаи ишғолнамудаашон озод гардиданд. Дар ин хусус имрӯз зимни нишасти матбуотӣ Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода иттилоъ дод.
Ориф Хоҷазода гуфт, ки Кумитаи давлатӣ якҷоя бо мақомоти ҳифзи ҳуқуқ барои пешгирӣ намудани ҷиноятсодиркунӣ корҳои муайян ба сомон расонида, давоми солҳои 2020-2024 127 нафар корманди Корхонаи фаръии давлатии «Бақайдгирии молу мулки ғайриманқул», инчунин 54 хизматчии давлатӣ аз вазифаи ишғолкардаашон озод гардиданд.
Дар шаш моҳи аввали имсол 4 раиси кумитаҳои идораи замин ва 1 муовини раиси кумитаи идораи замин бинобар сабаби даст задан ба ҷиноят аз вазифаи ишолнамуда озод карда шуданд.
«Ҳарчанд дар ин самти фаъолият тадбирҳои зарурӣ андешида шуда, роҳбарияти Кумитаи давлатӣ мунтазам масъалаи пешгирии даст ба ҷиноят задани кормандонро дар ҷаласаҳои машваратӣ ва ҳайати мушовара мавриди баррасӣ қарор диҳад ҳам, далелҳои даст ба ҷиноят задани кормандон то ҳанӯз мавҷуд мебошанд. Барои ислоҳи камбудиҳои ҷойдошта корбарӣ дар ҳамкорӣ бо мақомоти дахлдори давлатӣ минбаъд низ идома меёбад»,-гуфт раиси Кумитаи давлатӣ.
Барои боз ҳам баланд бардоштани савияи дониши кормандони корхонаҳои бақайдгирӣ Маркази такмили ихтисос ва бозомӯзии кормандони ташкилоти бақайдгирии давлатӣ таъсис дода шуда, барои хизматчиёни давлатӣ ҳар рӯзи панҷшанбе хониши идоравӣ ва мунтазам бо намояндагони мақомоти ҳифзи ҳуқуқ, аз ҷумла Прокуратураи генералӣ мулоқот баргузор мешавад.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
