Сарвазири Тоҷикистон бо Раиси Ҷумҳурии Тотористон мулоқот намуд
ДУШАНБЕ, 08.07.2024 /АМИТ «Ховар»/. Дар доираи сафари корӣ ба Федератсия Русия Сарвазири Ҷумҳурии Тоҷикистон Қоҳир Расулзода дар шаҳри Екатеринбург бо Раиси Ҷумҳурии Тотористон Рустам Минниханов мулоқот намуд, хабар медиҳад АМИТ «Ховар».
Таъкид гардид, ки муколамаи доимии сарони давлатҳо ва сафарҳои мутақобила барои кор дар сатҳи байниминтақавӣ шароиту имконияти хуб фароҳам меорад.
Иттилоъ дода шуд, ки мубодилаи мол байни Тотористон ва Тоҷикистон афзоиш ёфта, аз рӯйи натиҷаҳои соли гузашта 36 миллион долларро ташкил дод.
Ҷонибҳо иброз доштанд, ки аз имконияти мавҷуда пурра истифода намегардад ва бояд ҳамкории мутақобила дар соҳаи тиҷорату иқтисод тақвият бахшида шавад.
Ҳамзамон рушди ҳамкорӣ байни корхонаҳои ду давлат муҳим шуморида шуд.
Ҳамкорӣ дар соҳаҳои мошинсозӣ, нафту кимиё, кишоварзӣ, тандурустӣ ва технологияҳои иттилоотиро ҷонибҳо самти афзалиятнок арзёбӣ карданд.
Ҷонибҳо муҳимияти ҳамкориро дар ҳама сатҳҳо таъкид намуданд.
Ҳамчунин ҳайати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода бо фаъолияти корхонаи коркарди оҳан «Уралмашзавод» шинос шуд.
Ёдовар мешавем, ки ҳайати Ҷумҳурии Тоҷикистон таҳти роҳбарии Сарвазири Ҷумҳурии Тоҷикистон Қоҳир Расулзода ҷиҳати иштирок дар Намоишгоҳи 14-уми байналмилалии саноатии «INNOPROM» дар шаҳри Екатеринбурги Федератсияи Русия қарор дорад.
АКС аз манбаъҳои боз
Сафири Тоҷикистон дар Ҷумҳурии Корея дар вохӯрии 7-уми дӯстони Бунёди рушди сабз иштирок намуд
Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад
Намояндаи Тоҷикистон нахустин бор ба мақоми Президенти Шурои иҷроияи ЮНИСЕФ барои соли 2025 интихоб гардид
Дар Душанбе рушди ҳамкории судманди Тоҷикистон ва сохторҳои Созмони Милали Муттаҳид баррасӣ гардид
Дар Москва иштироки ҳайати Тоҷикистон дар Намоишгоҳи байналмилалии сайёҳии «MITT» баррасӣ гардид
Сафири Тоҷикистон бо Вазири мероси фарҳангӣ, гардишгарӣ ва саноеи дастии Эрон мулоқот намуд
Сафири Тоҷикистон бо Вазири омӯзиш ва парвариши Эрон мулоқот намуд
Тамошои дастҷамъонаи Паёми Президенти Ҷумҳурии Тоҷикистон Эмомалӣ Раҳмон дар шаҳрҳои Русия
Тамошои дастҷамъонаи Паёми Президенти Ҷумҳурии Тоҷикистон ба Маҷлиси Олӣ дар сафорати Тоҷикистон дар Москва
Сироҷиддин Муҳриддин бо сафирони кишварҳои аъзои Иттиҳоди Давлатҳои Мустақил мулоқот намуд
Дар Донишгоҳи Фирдавсии Машҳад ҳамоиши «Рӯдакӣ ва пайвандҳои фарҳангии Эрон ва Тоҷикистон» баргузор гардид
Раиси иҷлосияи 79-уми Маҷмаи Умумии Созмони Милали Муттаҳид ба Конфронси Душанбе даъват шуд
