Шуъбаи таваллудхонаи Беморхонаи минтақавии Ҷамоати деҳоти Сағирдашти ноҳияи Дарвоз соҳиби бинои замонавӣ шуд
ХОРУҒ, 03.07.2024 /АМИТ «Ховар»/. Бахшида ба ҷашни 35- солагии Истиқлоли давлатии Ҷумҳурии Тоҷикистон дар Ҷамоати деҳоти Сағирдашти ноҳияи Дарвоз бинои нави шуъбаи таваллудхонаи Беморхонаи минтақавии Сағирдашт мавриди истифода қарор дода шуд, хабар медиҳад мухбири минтақавии АМИТ «Ховар».
Сохтмони бинои дуошёна дар ҳамкорӣ бо шарикони рушд моҳи июни соли 2023 оғоз гардида, дар муҳлати муайяншуда бо сатҳу сифати баланди меъморию шаҳрсозӣ ба анҷом расонида шуд.
Барои сохтмони бинои таваллудхона, 1 миллиону 300 ҳазор сомонӣ ҷудо шуда, бинокорони Ҷамъияти дорои масъулияти маҳдуди «Бинокор» дар муддати кутоҳ ва ҷавобгӯ ба талаботи хизматрасонии муосири тиббӣ онро мавриди баҳрабардорӣ қарор доданд.
Бинои таваллудхона дорои ҳуҷраҳои эҳё, модару кӯдак, ошхона, инчунин утоқҳои дигари ёрирасон иборат буда, бо рахти хоб, таҷҳизоти корӣ ва мизу курсӣ таъмин мебошанд.
Ба гуфтаи сардухтури Беморхонаи минтақавӣ Рустам Қодиров, «дар гузашта онҳо дар як бинои кӯҳнаву фарсуда, ки солҳои шастуми асри гузашта бунёд шуда буд, фаъолият мекарданд, ки ба ягон талаботи замони муосир ҷавобгӯ набуд. Кати шикаставу таҷҳизоти куҳнаи тиббӣ дошт. Аз ин рӯ ҳам табибон ва ҳам беморон бо мушкилоти зиёди тиббию маишӣ рӯ ба рӯ мешуданд. Аммо бинои нав аз таваллудхонаҳои шаҳрӣ ҳеҷ фарқе надорад. Дорои 24 кати хоб аст ва барои бистарикунонии занони қобили таваллуд ҳамагуна шароит муҳайё шудааст».
Лоиҳаи сохтмони таваллудхонаи Ҷамоати деҳоти Сағирдашт кумаки бебозгашти Ҳукумати Ҷопон ҳамчун рамзи дӯстӣ ва ҳамкорӣ байни Тоҷикистону Ҷопон дар амал татбиқ гардид.
Дар ифтитоҳи бино Раиси Вилояти Мухтори Кӯҳистони Бадахшон Алишер Мирзонабот ва Сафири Ҷопон дар Тоҷикистон Тошихиро Аики иштирок намуда, бо табибону кормандони техникӣ ва сокинони ҷамоати деҳот мулоқоту суҳбат анҷом доданд.
Ҳайати 30 — нафараи кормандони Беморхонаи минтақавии Сағирдашти ноҳияи Дарвоз барои соҳиби чунин бинои муҳташам бо шароити сатҳи баланд гардиданд ба Президенти ҷумҳурӣ муҳтарам Эмомалӣ Раҳмон сипос баён намуданд.
Дар шуъбаи таваллудхона 7 нафар табибу ҳамшираи шафқат фаъолият дошта, ба 5 ҳазору 500 нафар сокини Ҷамоати деҳоти Сағирдашт хизмати тиббӣ мерасонанд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар тантанаи идона ба ифтихори 33-солагии Истиқлоли давлатӣ дар ноҳияи Рашт
Сарвари давлат Эмомалӣ Раҳмон дар ноҳияи Рашт дар барномаи театришуда бахшида ба таҷлили 33-солагии Истиқлоли давлатии Ҷумҳурии Тоҷикистон иштирок намуданд
Президенти мамлакат Эмомалӣ Раҳмон дар ноҳияи Рашт бинои Ҷамоати деҳоти Боқӣ Раҳимзодаро ба истифода доданд
Пешвои миллат Эмомалӣ Раҳмон дар ноҳияи Рашт Муассисаи таҳсилоти миёнаи умумии №54-ро мавриди истифода қарор доданд
Ваколатдор оид ба ҳуқуқи инсон дар Тоҷикистон дар конфронси сатҳи баланд дар Рим сухан гуфт
Сарвари давлат Эмомалӣ Раҳмон дар ноҳияи Рашт ба ятимон туҳфаҳо тақдим намуданд
Президенти мамлакат Эмомалӣ Раҳмон дар ноҳияи Рашт биноҳои маркази саломатӣ, беморхонаи марказӣ ва маркази ташхису табобатиро мавриди истифода қарор доданд
Пешвои миллат Эмомалӣ Раҳмон дар ноҳияи Рашт майдони Парчам ва Нишони давлатиро ба истифода доданд
Сарвари давлат: «Сатҳи таъмини муассисаҳои таълимӣ бо кабинетҳои фаннӣ ва озмоишгоҳҳои Тоҷикобод беҳбудии ҷиддиро тақозо менамояд»
Эмомалӣ Раҳмон: «Дастрасӣ ба маблағҳои қарзии дарозмуҳлат омили муҳими ноил шудан ба ҳадафи саноатикунонии босуръати мамлакат аст»
Саҳми таърихии тоҷикон дар ташаккули фарҳанг ва тамаддуни исломӣ. Дар Душанбе конфронси байналмилалӣ оғоз гардид
Бахшида ба 35-солагии Истиқлолияти давлатӣ дар ноҳияи Лахш 124 иншоот бунёду таҷдид мегардад
