СОЛИ БАЙНАЛМИЛАЛИИ ҲИФЗИ ПИРЯХҲО. Дар Кумитаи ҳифзи муҳити зист Гурӯҳи кории байниидоравӣ таъсис дода шудааст
ДУШАНБЕ, 25.07.2024 /АМИТ «Ховар»/. Дар Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади амалигардонии Нақшаи чорабиниҳои вобаста ба Қатъномаи Маҷмаи Умумии Созмони Милали Муттаҳид оид ба эълон гардидани соли 2025 «Соли байналмилалии ҳифзи пиряхҳо», Гурӯҳи кории байниидоравӣ таъсис дода шудааст. Дар ин хусус имрӯз ба намояндагони расонаҳои хабарии ватанию хориҷӣ муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Лоиқ Раҳмонзода зимни нишасти матбуотӣ иттилоъ дод.
Таъкид гардид, ки аз ҷониби Гурӯҳи кории техникии Кумита дар ҳамкорӣ бо Созмони ҷаҳонии обуҳавошиносии Созмони Милали Муттаҳид ва ЮНЕСКО лоиҳаи Консепсияи «Харитаи роҳ» доир ба татбиқи қатъномаи мазкур таҳия карда шуд. Тибқи Қатъномаи Маҷмаи Умумии Созмони Милали Муттаҳид оид ба эълон гардидани соли 2025 «Соли байналмилалии ҳифзи пиряхҳо», аз ҷониби Созмони ҷаҳонии обуҳавошиносӣ (WMO) ва ЮНЕСКО Кумитаи ҳидояткунандаи байналмилалӣ таъсис дода шуд, ки раиси Кумитаи ҳифзи муҳити зист ҳамчун аъзо, намояндаи Ҷумҳурии Тоҷикистон ба он шомил мебошад. Тамоми чорабиниҳои сатҳи баланд оид ба ҳифзи пиряхҳо дар доираи ҷаласаи кумитаи мазкур баррасӣ шуда, қарорҳои дахлдор қабул мегарданд.
Гуфта шуд, ки Кумита дар раванди баргузории Конфронси сеюми байналмилалии сатҳи баланди Раванди оби Душанбе, ки моҳи июни соли равон дар шаҳри Душанбе вобаста ба татбиқи Даҳсолаи байналмилалии амал «Об барои рушди устувор, солҳои 2018-2028» баргузор гардид, тибқи Нақшаи чорабиниҳои тасдиқшуда Форуми пиряхҳо, cе чорабинии канорӣ, намоишгоҳ ва 13 вохӯрии раиси Кумита бо роҳбарони ҳайатҳо ва намояндагони созмонҳои байналмилалӣ доир гардида, масъалаҳои муҳими марбут ба тавсеаи ҳамкорӣ дар соҳаи обу иқлим ва ҳифзи муҳити зист баррасӣ гардиданд.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
