Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
ДУШАНБЕ, 22.07.2024. /АМИТ «Ховар»/. Сохторҳои минтақавии Ваколатдор оид ба ҳуқуқи инсон дар Ҷумҳурии Тоҷикистон дар нимсолаи якуми соли равон бо мақсади баланд бардоштани маърифати ҳуқуқии сокинони мамлакат 46 машварати сайёри ҳуқуқӣ гузарониданд, ки дар он беш аз 579 нафар шаҳрвандон иштирок намуданд. Дар ин хусус имрӯз зимни нишасти матбуотии ин ниҳод Ваколатдор оид ба ҳуқуқи инсон Умед Бобозода ба рӯзноманигорон хабар дод.
Ба гуфтаи номбурда, дар чорабиниҳо кормандони намояндагиҳо бо намояндагӣ аз Ваколатдор оид ба ҳуқуқи инсон паҳлуҳои мухталифи ҳуқуқу озодиҳои инсон ва шаҳрванд ва нақши мақомот дар пешбурд, риоя ва ҳифзи ҳуқуқи инсонро матраҳ намуданд.
Иттилоъ дода шуд, ки дар шашмоҳаи якуми соли 2024 дар мақомоти Ваколатдор оид ба ҳуқуқи инсон 787 муроҷиати шахсони воқеӣ сабт шудааст. Ҳамзамон дар намояндагиҳои Ваколатдор оид ба ҳуқуқи инсон 581 муроҷиат сабт шудааст, ки 67 муроҷиати онро муроҷиатҳои тариқи хаттӣ ва 514 адади онро шифоҳӣ ташкил медиҳад.
Умед Бобозода изҳор дошт, ки бо мақсади мусоидат ба такмили қонунгузории Ҷумҳурии Тоҷикистон дар соҳаи ҳуқуқи инсон кормандони дастгоҳи марказии Ваколатдор лоиҳаи 36 санади меъёрии ҳуқуқиро мавриди омӯзиш қарор дода, хулосаҳо пешниҳод намудаанд.
Таъкид гардид, ки аз 787 муроҷиати шахсони воқеӣ ва ҳуқуқии ба мақомоти Ваколатдор оид ба ҳуқуқи инсон воридшуда 33 адад ба таври мусбат ҳал гардидааст.
Ҳамзамон иброз шуд, ки 67 муроҷиати хаттие, ки ба мақомот ворид шудаанд, бештар ба ҳуқуқ ба дахлнопазирии шахсӣ ва озод будан аз тамоми шаклҳои зӯроварӣ, ҳуқуқ ба сатҳи кофии зиндагӣ, ғамхории волидайн ва дар оила тарбия гирифтан, алимент, таъминоти иҷтимоӣ, ҳуқуқ ба манзил, ҳуқуқ ба замин ва ҳуқуқи истифодабарандагони хизматрасониҳои молиявӣ рабт доранд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
