35-СОЛАГИИ ИСТИҚОЛИ ДАВЛАТӢ. Дар вилояти Хатлон 3090 иншоот ба истифода дода шуд

ДУШАНБЕ, 26.08.2024. /АМИТ «Ховар»/. Бахшида ба 35 — солагии Истиқлоли давлатии Ҷумҳурии Тоҷикистон дар шаҳру ноҳияҳои вилояти Хатлон аз 6260 иншооти нақшавӣ 3090 адади он сохта, ба истифода дода шуд. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон хабар медиҳад.

Дар 6 моҳи имсол 685 иншоот, аз ҷумла таъмиру сохтмони 50 иншооти соҳаи маориф, 7 дармонгоҳ, 15 иншооти фарҳангӣ, 6 бинои истиқоматии бисёрошёна, 22 иншооти варзишӣ, 55 иншооти соҳаи кишоварзӣ, 2 иншооти соҳаи саёҳӣ ва ҳунарҳои мардумӣ, хати оби нӯшокӣ, сохтмони 126 км роҳ ва 30 пули автомобилгард дар қитъаҳои гуногун, 171 иншооти хизматрасонӣ ва 176 биною иншооти таъйиноти иқтисодию иҷтимоӣ ба истифода дода шуд. Дар ин замина барои 29,3 ҳазор сокини маҳаллӣ ҷойи кори нав таъсис ёфтааст.

Барои зиёд намудани шумораи иншооти ҷашнӣ дар шаҳру ноҳияҳои вилоят дар маҷмуъ 739 иншоот ба таври илова ба нақшаи чорабиниҳо ворид шуда, корҳо дар ин самт идома доранд.

АКС: Хадамоти матбуоти Раиси вилояти Хатлон