Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ДУШАНБЕ, 23.08.2024. /АМИТ «Ховар»/. 22 август дар Маркази Тоҷикстандарт дар шаҳри Исфара барои соҳибкорони маҳаллӣ машғулияти омӯзишӣ баргузор шуд. Дар ин хусус ба АМИТ «Ховар» дар Агентии «Тоҷикстандарт» хабар доданд.
Ҳадаф аз баргузории машғулият ба самъи иштирокдорон, хусусан соҳибкорон расонидани мафҳум ва моҳияти татбиқи стандартҳои байналмилалӣ дар фаъолияти истеҳсолӣ, кору хизматрасонӣ, меҳмонхонадорӣ ва хизматрасонии сайёҳӣ мебошад.
Дар машварат иброз гардид, ки стандартҳои байналмилалии силсилаи ISO -9000 якчанд талаботи хоссае доранд, ки баъд аз гузаштани марҳилаҳои зиёд ва дар амал татбиқ кардани ҳама талаботи стандартҳо метавон ба сертификати он ноил шуда, фаъолиятро тибқи он ба роҳ монд. Стандартҳои ISO 9001, ISO 14001, ISO 22000, ISO 45001, системаи НАССР ва системаи Ҳалол аз ҷумлаи стандартҳои байналмилалие мебошанд, ки дар истеҳсолот ва хизматрасонӣ танзими ҷиддӣ ба миён меоранд ва дар рушди иқтисодиву истеҳсолии ҳама корхонаҳои тибқи он фаъолиятдошта заминаи устувор мегузоранд.
Ёдовар мешавем, ки намояндагони корхонаҳои истеҳсолӣ аз баргузории вохӯрии судманд изҳори қаноатмандӣ намуда, аз мутахассисон ба саволҳояшон посухҳои мушаххас гирифтанд.
Баргузории машғулияти омӯзишӣ бо истеҳсолкунандагони ватанӣ дар истеҳсоли молу маҳсулоти рақобатпазир, гузариш ба низоми идоракунии сифат ва саноатикунонии босуръати мамлакат заминаи воқеӣ мегузорад.
Дар охир як зумра соҳибкорони муваффақ, ки тибқи стандартҳои байналмилалӣ фаъолият намуда, бо Агентии Тоҷикстандарт ҳамкории зич доранд, бо Сипоснома қадрдонӣ шуданд.
АКС: Агентии «Тоҷикстандарт»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
