Ҷамъи 9: дар кадом суроғаҳои нав метавон масъалаҳои мобилиро дар Душанбе, ноҳияҳои тобеи ҷумҳурӣ ва Хатлон ҳал намуд

Август 21, 2024 10:25

ДУШАНБЕ, 21.08.2024 /АМИТ «Ховар»/. Боз нуҳ толори фирмавии ширкати «МегаФон Тоҷикистон» дар Душанбе, ноҳияҳои тобеи ҷумҳурӣ ва Хатлон ифтитоҳ гардид. Чун дар дигар нуқтаҳои фурӯши чаканаи танзимгарӣ онҳо дар маконҳои ниҳоят муносиб барои муштариён воқеъ мебошанд.

Душанбе, кӯчаи Амиршоев, 1

Дар ноҳияи Исмоили Сомонӣ толори нав дар бинои чанде пеш сохташуда воқеъ мебошад. Дар наздикии он – бонкҳо, мағозаҳо ва хонаҳои баландошёнаи истиқоматӣ ҷойгир ҳастанд.

Душанбе, хиёбони Неъмат Қарабоев, 26

Дар ноҳияи Фирдавсии пойтахт низ толор дар бинои нави истиқоматӣ кушода шуд. Рӯ ба рӯи он – Театри ҷавонон, маркази дилхушии «Космо Ленд», дар биноҳои ҳамсоя – дорухонаҳо, мағозаҳои маҳсулоти хӯрокворӣ. Масъалаҳои мобилиро метавон ҳамзамон ҳангоми анҷоми харидҳо ҳал намуд.

Душанбе, к. М. Турсунзода, 13/23

Дар атрофи толори фирмавӣ, воқеъ дар ноҳияи Исмоили Сомонӣ боғчаи кӯдакона, мактаб, бинои идораи ҷумҳуриявии шиносномадиҳӣ, меҳмонхонаҳои «Румӣ» ва «Ватан» ҷойгир мебошанд. Ин барои меҳмонони пойтахт мувофиқ аст.

Ҷамоати Харангон

Толор дар назди роҳи мошингарди ҷониби деҳаи Варзоб ҷойгир мебошад. Акнун ба сокинони ҷамоати сераҳолӣ зарур намеояд, ки ба шаҳр ё маркази ноҳияи Варзоб бираванд, ҳалли масъалаҳои мобилӣ аз худи хона имконпазир аст.

Ҷамоати Истиқлол, к. Селбар, 1

Аҳолии ҷамоати Истиқлол, воқеъ дар ноҳияи Шаҳринав 18 ҳазор нафарро ташкил медиҳад. Толори нави ширкати «МегаФон Тоҷикистон» имкон медиҳад, ки масъалаҳои марбут ба алоқа дар  ҳамин ҷой ҳал карда шуда, маблағи сафарҳо ба Шаҳринав сарфа карда шавад.

Ҳисор, кӯчаи Сомонӣ, 5

Толори алоқа дар супермаркети «Би-1» кушода шуд. Ин барои муштариёне, ки барои харидҳо меоянд, хеле мувофиқ аст.

Ҷамоати Навободдеҳа, кӯчаи Ваҳдат, 1

Қаблан барои дидани толор мардумро зарур меомад, ки ба шаҳри Турсунзода бираванд. Акнун дар ҷамоат толори фирмавии алоҳида кушода шуд.

Файзобод, кӯчаи И. Сомонӣ

Теъдоди сокинони деҳаи шаҳрмонанди Файзобод зиёда аз 12 ҳазор нафарро ташкил медиҳад. Қаблан онҳо маҷбур буданд, ки барои харидани SIM-корт ё гирифтани машварат оид ба танзимкунии интернети мобилӣ ба Ваҳдат бираванд. Акнун ба онҳо лозим намеояд, ки бо ин мақсадҳо 30 километр масофаро тай намоянд.

Норак, бозори «Рамзи Норак»

Бозори нав дар Норак охири соли 2023 кушода шуда буд, ин яке аз маконҳои маъруфтарини шаҳр ба шумор меравад. Дар ин ҷой акнун на танҳо метавон ҳама чизҳои заруриро харидорӣ кард, балки аз толори ширкати «МегаФон Тоҷикистон» низ боздид намуд.

АКС: ширкати «МегаФон Тоҷикистон»

Август 21, 2024 10:25

Хабарҳои дигари ин бахш

Дар Ҷумҳурии Демократии Конго беш аз 200 нафар бар асари ғарқ шудани киштӣ бедарак шудаанд
Дар 30 дарёи Чин дар тамоми давраи мушоҳидаҳо обхезиҳои шадидтарин ба амал омаданд
Кумитаи ҳифзи муҳити зисти Тоҷикистон бахшида ба Соли маърифати экологӣ дар пойтахт озмуни шаҳрӣ эълон намуд
Давлатҳои Аврупо эмкунии аҳолиро бар зидди обилаи маймун рад менамоянд
ТАВАҶҶУҲ! 22-23 август дар Душанбе ҳаракати воситаҳои нақлиёт муваққатан маҳдуд карда мешавад
Ширкати миллии «Сиёма» дар озмуни «Соҳибкори беҳтарини шаҳри Душанбе дар соли 2023» соҳиби ҷоиза гардид
Агентии инноватсия ва технологияҳои рақамӣ барои ишғоли мансабҳои холии маъмурии хизмати давлатӣ озмун эълон менамояд
Дар Академияи миллии илмҳои Тоҷикистон вобаста ба Соли маърифати ҳуқуқӣ вохӯрӣ баргузор шуд
Имрӯз дар Тоҷикистон ҳаво то 35 дараҷа гарм мешавад
Дар Ҷопон бар асари ҳарорати баланди моҳи август 53 нафар аз гармои шадид шикоят кардаанд
Сӯхтори ҷангалзор дар Фаронса ва Португалия: ҳазорон нафар сайёҳон кӯчонида шуданд
Сокинони шаҳри Турсунзода дар машқи ҳарбӣ-сиёсии таълимӣ иштирок намуданд