Ҳамкории ширкатҳои сайёҳии Тоҷикистон ва Эрон тақвият меёбад
ДУШАНБЕ, 31.08.2024. /АМИТ «Ховар»/. Директори ширкати сайёҳии «Саразм-5500»-и шаҳри Панҷакент дар ҳамоиши «Роудшоу Тоҷикистон- Эрон», ки дар Сафорати Ҷумҳурии Тоҷикистон дар Ҷумҳурии Исломии Эрон баргузор гардид, иштирок намуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Дар ҳамоиш намояндагони сафоратҳои давлатҳои Осиёи Марказӣ, Вазорати саноати дастӣ, мероси фарҳангӣ ва гардишгарии Эрон иштирок намуда, роҳҳои тавсеаи гардишгариро баррасӣ намуданд.
Ширкатҳои сайёҳии Ҷумҳурии Тоҷикистон, аз ҷумла ширкати сайёҳии «Саразм-5500» ва Ҷумҳурии Исломии Эрон созишномаҳо оид ба густариши ҳамкорӣ ба имзо расониданд.
Таъкид гардид, ки дӯстдорони сайёҳӣ дар Эрон ба ёдгориҳои таърихӣ ва фарҳангии Тоҷикистон, аз ҷумла шаҳри Панҷакент таваҷҷуҳи зиёд доранд.
Ёдовар мешавем, ки аз 10 августи соли 2024 байни шаҳрвандони Тоҷикистон ва Эрон дар хатсайри ҳавоии Душанбе-Теҳрон низоми бе раводид амал мекунад, ки ба рушди сайёҳии давлатҳои ҳарду ҷониб мусоидат менамояд.
АКС: Мақомоти иҷроияи ҳокимияти давлатии шаҳри Панҷакент
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
Дар шаҳри Панҷакент Маҷмааи фарҳангӣ, сайёҳӣ ва ҳунармандӣ ба истифода дода шуд
Донишгоҳи байналмилалии сайёҳӣ ва соҳибкории Тоҷикистон дар 9 моҳи соли 2025 фаъолияти назаррас дошт
