Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
ДУШАНБЕ, 23.08.2024. /АМИТ «Ховар»/. 22 август дар доираи имзои санадҳои нави ҳамкорӣ байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат байни Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва Вазорати савдо ва ҳамгироии Ҷумҳурии Қазоқистон ба имзо расид, иттилоъ медиҳад АМИТ «Ховар».
Тавре дар Агентии «Тоҷикстандарт» иттилоъ доданд, мақсади Ёддошти тафоҳум пешбурди тақвияти ҳамкории тарафҳо дар соҳаи стандартизатсия ва метрология, инчунин сода гардонидани мубодилаи таҷриба мебошад.
Тибқи ёддошт, мубодилаи ҳуҷҷатҳо ва иттилоот дар соҳаи стандартизатсия, аз ҷумла маълумот дар бораи системаи миллии стандартизатсия, қоидаҳо ва тартиби таҳияи стандартҳо ва шарҳҳо дар марҳилаҳои гуногуни таҳияи стандартҳо дар назар дошта шудааст.
Ҳамзамон байни тарафҳо гузаронидани муқоиса ва андозагирии маҳакҳои миллӣ, рушд ва такмили самтҳои ченкунӣ, ки ба манфиати тарафҳо мебошад, табодули иттилоот дар соҳаи метрология ва табодули таҷриба дар самти назорати давлатии метрологӣ амалӣ мешавад.
Инчунин дар доираи таҷрибаи санҷишҳои лабораторӣ таҳия ва татбиқи тарзи (усулҳои) ченкунӣ, аз ҷумла усулҳои референтӣ дар назар буда, мубодилаи маводи таълимӣ дар соҳаи стандартизатсия ва метрология амалӣ хоҳад шуд.
Дар доираи ёддошт омодасозии кадрҳо дар соҳаи стандартизатсия ва метрология, инчунин дигар соҳаҳое, ки тарафҳо дар асоси шартҳои судманд таваҷҷуҳ доранд, ба нақша гирифта шудааст.
Қаблан низ Тоҷикистон ва Қазоқистон барои ҳамкорӣ дар соҳаи стандартизатсия, метрология ва баҳодиҳии мутобиқат созишнома ба имзо расонида буданд, ки муҳлати он анҷом ёфт.
Ёдовар мешавем, ки 22 август пас аз анҷоми мулоқоту музокироти сатҳи олии Тоҷикистон ва Қазоқистон дар ҳузур ва бо иштироки сарони давлатҳо маросими имзои 16 санади нави ҳамкорӣ баргузор гардид.
Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қазоқистон муҳтарам Қосим-Жомарт Токаев «Аҳднома дар бораи муносибатҳои ҳампаймонӣ миёни Ҷумҳурии Тоҷикистон ва Ҷумҳурии Қазоқистон»-ро низ ба имзо расониданд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
