Дар Душанбе даври ноҳиявии озмуни «Қаннодӣ, ҳалвопазӣ, шириниҳои миллӣ ва муосир» баргузор гардид
ДУШАНБЕ, 16.08.2024 /АМИТ «Ховар»/. Дар Боғи фарҳангӣ-фароғатии «Куруши Кабир» даври ноҳиявии озмуни «Қаннодӣ, ҳалвопазӣ, шириниҳои миллӣ ва муосир» баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шоҳмансур хабар медиҳад.
Дар озмун намоиши маҳсулоти коргоҳҳои қаннодии Ҷамъияти дорои масъулияи маҳдуди «Муъҷиза», «Реал-трейдинг», Маркази савдои «Пайкар», корхонаи саноатии «Лаззат» ва маҳсулоти занони маҳаллаҳои ҳудуди ноҳия ба ҳайати ҳакамон пешниҳод карда шуд.
Дар озмун муовини Раиси ноҳияи Шоҳмансур Заррина Зуҳурзода иброз дошт, ки тайёр намудани анвои ширинӣ аз қадимулайём ҳамчун ҷузъи фарҳанги миллӣ ба ҳаёти иҷтимоии мардуми манотиқи гуногуни мамлакат ворид гардида, ҳалвоҳо ва ширавориҳо бахши муҳими дастархони суннатии миллати тоҷик ба шумор мераванд.
Таъкид гардид, ки занони тоҷик омода намудани маҳсулоти қаннодиро дар оянда боз ҳам равнақу ривоҷ дода, дар ҳифзи фарҳанги миллӣ, аз ҷумла омӯзонидани ҳунарҳои мардумӣ ба ҷавондухтарон саҳми муносиб мегузоранд.
Ғолибони озмун барои иштироки фаъолона, саҳми муносиб гузоштан дар пешрафти ҳунарҳои пухту паз, зиёд намудани истеҳсоли маҳсулот ва дар сатҳи баланд баргузор намудани чорабиниҳо бо Диплом, Сипоснома ва туҳфаҳо қадрдонӣ гардида, беҳтаринҳо ба даври шаҳрӣ роҳ ёфтанд.
АКС: Мақомоти иҷроияи ҳокимияти давлатии ноҳияи Шоҳмансур
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
