Дар Панҷакент насби таҷҳизот ва қубурҳои обкашонӣ барои майдонҳои кишт идома дорад
ДУШАНБЕ, 18.08.2024 /АМИТ «Ховар»/. Бо иқдоми Мақомоти иҷроияи ҳокимияти давлатии шаҳри Панҷакент бо ҷалби соҳибкорон ва сокинони деҳаи Ғӯсари Ҷамоати деҳоти Лоиқ Шералӣ, ки аз норасоии оби полезӣ танқисӣ мекашанд, тасмим гирифта шуд, ки тавассути насби таҷҳизоти обкашӣ ва қубурҳои қутрашон 400 мм аз пойгоҳи Дупула ба ин мавзеъ, ба масофаи 4,5 километр оби полезӣ кашонда шавад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
То имрӯз бо ҷалби мутахассисони Идораи давлатии беҳдошти замин ва обёрии ҳавзаи дарёи Зарафшон дар пойгоҳи насосии Дупула муҳаррик, таҷҳизоти обкашии пуриқтидори замонавӣ ва дар масофаи қариб 3 километр қубур насб карда шуд.
Бо анҷоми насби қубурҳо майдонҳои кишт ва боғҳо дар масоҳати беш аз 200 гектар, ҳамчунин заминҳои наздиҳавлигии қисмати канории деҳаи Ғӯсар бо оби полезӣ таъмин карда мешаванд.
Раиси шаҳри Панҷакент Абдухолиқ Холиқзода зимни шиносоӣ бо насби қубурҳои обкашонӣ таъкид намуд, ки мақомоти иҷроияи маҳаллии ҳокимияти давлатии шаҳр ҷараёни ин корро зери назорати ҳамарӯза қарор дода, ба тезонидани он фаъолона мусоидат менамояд.
АКС: Мақомоти иҷроияи ҳокимияти давлатии шаҳри Панҷакент
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
ИСТИФОДАИ САМАРАНОКИ ЗАМИН. Дар заминҳои кишоварзӣ яхҷуфт идома дорад
Дар Соли нав дар алоқа буданд: чӣ тавр муштариён шаби идро гузарониданд
Имрӯз дар ноҳияҳои алоҳидаи Тоҷикистон туман мефарояд
ЧАРО ТОҶИКИСТОН БА МАСЪАЛАИ ОБ ВА ПИРЯХҲО ТАВАҶҶУҲИ МАХСУС МЕДИҲАД? Пиряхҳои ҷумҳурии мо манбаи ҳаёт барои тамоми Осиёи Марказӣ мебошанд
Кишоварзони шаҳри Ҳисор дар 3 ҳазору 772 гектар замини обӣ шудгор гузарониданд
То 10 январ дар Тоҷикистон ҳавои тағйирёбандаи бебориш пешгӯӣ карда мешавад
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борон меборад
Дар Тоҷикистон беш аз 200 корхона ва ҷамъияти нақлиётӣ фаъолият менамояд
