Дар шаҳри Хоруғ барномаҳои ҳарбӣ-ватандӯстона гузаронида шуданд
ДУШАНБЕ, 26.08.2024. /АМИТ «Ховар»/. Бахшида ба ҷашни Истиқлоли давлатӣ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар қисми ҳарбии Вазорати мудофиаи Ҷумҳурии Тоҷикистон дар шаҳри Хоруғи Вилояти Мухтори Кӯҳистони Бадахшон барномаҳои ҳарбӣ-ватандӯстӣ гузаронида шуданд. Дар ин хусус ба АМИТ «Ховар» дар Кумитаи кор бо ҷавонон ва варзиш хабар доданд.
Иброз гардид, ки Истиқлоли давлатӣ яке аз дастовардҳои беназири мамлакат маҳсуб шуда, он бо заҳмату талошҳои пайвастаи Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба даст омадааст. Дар ин давра барои ҷавонону варзишгарони мамлакат шароити хуби зиндагӣ ва амнияти осоишта таъмин гардид.
Ҳоло шароити сарбозону афсарон аз лиҳози моддиву маънавӣ ва дастрасӣ ба техникаҳои муосир беҳтар гардида, аз ҷавонони ватандӯст танҳои зиракиву ҳушёрӣ, хизмати содиқонаву софдилона ба халқу Ватан, эҳтиром ва ҳимояи арзишҳои миллӣ, ҳифзи муқаддасоти давлатӣ ва поку беолоиш нигоҳ доштани хоки муқаддаси ин сарзамин талаб карда мешавад.
Таъкид гардид, ки хизматчиёни ҳарбӣ дар баробари адои хизмати Модар-Ватан бо нишон додани ҳисси баланди худшиносӣ, эҳсоси масъулияти шаҳрвандӣ ва савганди ҳарбӣ ба Пешвои миллат ва халқу Ватани худ содиқу сазовор монда, минбаъд низ барои ҳифзи якпорчагии мамлакат, таъмини амният, ҳифзи сулҳу субот ва ҳимояи марзи Тоҷикистон кӯшиш менамоянд.
Дар доираи баргузории барномаҳо байни сарбозон мусобиқаҳои хурди варзишӣ, аз қабили дастхобонӣ гузаронида шуда, дар фарҷом як зумра афсарону сарбозон барои хизмати содиқона дар сафи Қувваҳои Мусаллаҳи Ҷумҳурии Тоҷикистон бо сипосномаҳои Кумитаи кор бо ҷавонон ва варзиш сарфароз гардонида шуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
