Дар шаҳри Кӯлоб 203 иншоот ба истифода дода шуд

ДУШАНБЕ, 03.08.2024. /АМИТ «Ховар»/. Ба истиқболи ҷашни 35 – солагии Истиқлолияти давлатии Ҷумҳурии Тоҷикистон дар шаҳри Кӯлоб бунёд, навсозӣ ва таъмири 494 иншоот ба нақша гирифта шуда, ба ҳолати 1 июли имсол аз ин шумора 203 иншоот ба истифода дода шуд, ки ба 41 фоизи нақша баробар мебошад. Ҳоло дар 165 иншоот корҳои сохтмонӣ идома доранд. Дар ин хусус Раиси шаҳри Кӯлоб Бахтиёр Назарзода зимни нишасти матбуотӣ ба хабарнигорон иттилоъ дод.

Ҳамчунин гуфта шуд, ки дар ин замина дар шашмоҳаи якуми имсол 1247 ҷойи нави кори доимиву муваққатӣ таъсис дода шуд.

Дар ин давра ҳаҷми истеҳсоли маҳсулоти саноатӣ ба 179,7 миллион сомонӣ баробар шуд, ки нисбат ба соли 2023  26,1 миллион сомонӣ зиёд мебошад.

Иттилоъ дода шуд, ки 47 корхонаи саноатӣ ҳаҷми истеҳсоли маҳсулотро нисбат ба ҳамин давраи соли 2023 афзоиш дода, аз ҷониби Ҷамъияти дорои масъулияти маҳдуди «Мелиоратор» 1 коргоҳи бетонбарорӣ мавриди истифода қарор гирифт. 

АКС: Мақомоти иҷроияи ҳокимияти давлатии шаҳри Кӯлоб