Дар Тоҷикистон ба маблағи зиёда аз 133 миллион доллар гази моеъ харидорӣ шудааст

ДУШАНБЕ, 03.08.2024 /АМИТ «Ховар»/. Дар шаш моҳи имсол аз ҷониби 14 субъект ба ҷумҳурӣ 195,45 ҳазор тонна гази моеъ ба маблағи 133 миллиону 100 ҳазор доллар бо нархи миёнаи 681 доллар барои як тонна ворид шуд, ки нисбат ба ҳамин давраи соли 2023  12 ҳазору 300 тонна кам ва нархи миёнаи воридоти он нисбат ба ҳамин давраи соли 2023 ба ҳисоби миёна 278 доллар ё ба андозаи 69 фоиз афзоиш ёфтааст.

Тибқи иттилои Хадамоти зиддиинҳисории назди Ҳукумати Ҷумҳурии Тоҷикистон, ба ҷумҳурӣ 94,2 фоиз гази моеъ аз Қазоқистон, 4,2 фоиз аз Русия ва 1,6 фоиз аз Узбекистон аз ҷониби ҷамъиятҳои дорои масъулияти маҳдуди «Темур ойл» бо ҳиссаи 21,2 фоиз, «Аллат» 10 фоиз,  «Октан сервис» 9,9 фоиз, «Ирис» 8,3 фоиз, «Газпромнефт Тоҷикистон» 8,1 фоиз, «Эмом импорт экспорт» 8 фоиз, «Баҳор» 6,5 фоиз, «Мабдаи Нур» 6,2 фоиз, «Каёнуш таъминот» 6 ва дигар субъектҳо 15,7 фоиз ворид шудааст.

АКС:АМИТ «Ховар»