«ҲИММАТ БАЛАНД ДОР…». Сокини Ҷамоати деҳоти Мирзо Ризои шаҳри Ҳисор барои 640 хонанда мактаб месозад
ДУШАНБЕ, 06.08.2024 /АМИТ «Ховар»/. Ба ифтихори ҷашни 35-солагии Истиқлоли давлатии Ҷумҳурии Тоҷикистон сокини деҳаи Тӯдаи Ҷамоати деҳоти Мирзо Ризои шаҳри Ҳисор Маҳмуд Сайфиддинов тасмим гирифтааст, ки ҳамроҳ бо фарзандонаш барои 640 хонандаи ин деҳа мактаби иборат аз 20 синфхонаро барои таҳсил дар ду баст сохта, туҳфа намояд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Тӯда аз калонтарин деҳаҳои шаҳри Ҳисор буда, аҳолияш беш аз 7 ҳазор нафарро ташкил медиҳад. Солҳои охир ҳудуди деҳа аз ҳисоби бунёди хонаҳои нави истиқоматӣ дар шимолу ғарб васеъ гардида, фарзандон барои таҳсил беш аз 2 километр роҳро тай намуда, ба Муассисаи таҳсилоти миёнаи умумии №6 мераванд. Бинобар, ин марди маорифпарвари деҳа Маҳмуд Сайфиддинов зарур донист, ки мактаби навро барои 640 хонанда сохта, ба фарзандони ин деҳа туҳфа намояд.
Иқдоми сокини деҳаи Тӯдаи Ҷамоати деҳоти Мирзо Ризо қобили дастгирӣ аст, зеро бунёди мактаб ва рушди соҳаи маориф яке аз самтҳои афзалиятноки Ҳукумати Тоҷикистон мебошад.
Чанде қабл иҷрокунандаи Раиси шаҳри Ҳисор Ҷаббор Носирзода дар нишасти матбуотӣ ба хабарнигорон гуфт, ки ҳоло сохтмони муассисаҳои таълимӣ барои 420 хонанда дар маҳаллаи 8-уми шаҳри Ҳисор, барои 168 хонанда дар деҳаи Зиракӣ ва барои 168 хонанда дар деҳаи Тутака идома дорад.
Инчунин дар Ҷамоати деҳоти Ҳисор сохтмони муассисаи томактабии хусусӣ оғоз гардидааст.
АКС: Мақомоти иҷроияи ҳокимияти давлатии шаҳри Ҳисор
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
