Мақомоти Судон ба таври расмӣ авҷгирии бемории ваборо эълон намуданд
ДУШАНБЕ, 19.08.2024 /АМИТ «Ховар»/. Вазири тандурустии Судон Ҳайсам Муҳаммад Иброҳим рӯзи шанбе ба таври расмӣ якбора авҷ гирифтани бемории ваборо дар ин давлат эълон намуд, хабар медиҳад АМИТ «Ховар» бо истинод ба хабаргузории «Синхуа».
«Таҳлили озмоишгоҳии исҳоли обӣ дар Озмоишгоҳи тандурустии ҷамъиятӣ тасдиқ кард, ки ин аломати бемории вабо аст», — ишора шудааст дар изҳороти вазир.
Изҳорот ба тезӣ баъди он пахш шуд, ки Созмони ҷаҳонии тандурустӣ хабар дод, ки дар Судон аз бемории вабо 316 нафар фавтидааст.
Сухангӯи Созмони ҷаҳонии тандурустӣ Маргарет Харрис рӯзи ҷумъа гуфт, ки дар Судон 11 327 ҳодисаи бемории вабо ва 316 фавт сабт шудааст, инчунин афзоиши бемориҳои табларзаи денге ва менингит сабт шудааст.
Вай инчунин иброз намуд, ки тибқи арзёбии Созмони ҷаҳонии тандурустӣ, шумораи воқеии гирифторони бемории вабо аз маълумоти имрӯза зиёдтар аст.
Аз миёнаҳои апрели соли 2023- замоне, ки даргириҳои мусаллаҳона байни неруҳои мусаллаҳи Судон ва қӯшунҳои ҳарбии Неруҳои амалиёти фаврӣ авҷ гирифтанд, дар кишвар бемориҳои эпидемиявӣ, ба мисли вабо, вараҷа, сурхак ва табларзаи денге паҳн шуданд, ки дар натиҷа садҳо нафар фавтиданд.
Тибқи маълумоти охирини Созмони Милали Муттаҳид, даргириҳо байни артиши Судон ва Неруҳои амалиёти фаврӣ сабаби фавти 16 650 нафар шудаанд. Ҳоло 10,7 миллион нафар дар Судон аз хонаҳои худ ба дигар минтақаҳо рафта, 2,2 миллион нафари дигар дар кишварҳои ҳамсоя сарпаноҳ меҷӯянд.
АКС аз манбаъҳои боз
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
Дар Китобхонаи миллӣ вобаста ба Парчами давлатӣ-рамзи соҳибистиқлолии Тоҷикистон ҳамоиш доир шуд
Дар Душанбе Форуми Осиёи Марказӣ «Tech Jam 2024» баргузор шуд
