Муовини Сарвазири Тоҷикистон бо раванди баргузории Озмуни ҷумҳуриявии «Фурӯғи субҳи доноӣ китоб аст» дар Ҳисор шинос шуд
ДУШАНБЕ, 26.08.2024 /АМИТ «Ховар»/. 23 август муовини Сарвазири Ҷумҳурии Тоҷикистон, Раиси комиссияи Озмуни ҷумҳуриявии «Фурӯғи субҳи доноӣ китоб аст» Дилрабо Мансурӣ бо ҷараёни баргузории Озмуни ҷумҳуриявии «Фурӯғи субҳи доноӣ китоб аст» байни довталабон аз ноҳияҳои тобеи ҷумҳурӣ дар китобхонаи марказии шаҳри Ҳисор шинос гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор хабар доданд.
Муовини Сарвазири Тоҷикистон бо шароити толорҳое, ки довталабон аз рӯи номинатсияҳои адабиёти кӯдакону наврасон ва осори шифоҳӣ, адабиёти классикии тоҷик, адабиёти муосири тоҷик, адабиёти ҷаҳон, эҷоди назм, эҷоди наср санҷида мешуданд, шинос шуда, бо ҳакамон, иштирокчиёни озмун ва падару модарон оид ба шаффофият ва риояи адолат дар баҳогузории озмун, инчунин масъалаи ҷалби бештари наврасону ҷавонон ба омӯзиш ва китобхонӣ суҳбат намуд.
Муовини Сарвазири мамлакат мақсади баргузории озмунҳоро, ки соли шашум аст таҳти сарпарастии Президенти Тоҷикистон муҳтарам Эмомалӣ Раҳмон доир мегарданд, маънидод намуда, гуфт, ки бо мусоидати омӯзгорон ва падару модарон сол то сол сафи иштирокчиёни озмун бештар ва шумораи номинатсияҳо батадриҷ зиёд мегардад.
Ҳакамони озмун ва падару модарон дар баробари сипосу эҳтиром барои боз ҳам беҳтар шудани сатҳу сифати озмун ба муовини Сарвазири Тоҷикистон якчанд пешниҳоду дархост баён доштанд.
АКС: Мақомоти иҷроияи ҳокимияти давлатии шаҳри Ҳисор
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони озмуни ҷумҳуриявӣ қадрдонӣ шуданд
Дар Бохтар маросими қадрдонии ғолибони даври вилоятии озмунҳои ҷумҳуриявӣ баргузор шуд
Ғолиби «Фурӯғи субҳи доноӣ китоб аст» Шаина Мабатқадамова: «Маслиҳати падаронаи Сарвари давлат маро руҳбаланд кард»
Ғолибони даври ҷумҳуриявии «Илм – фурӯғи маърифат» ва «Фурӯғи субҳи доноӣ китоб аст» қадрдонӣ шуданд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
4 нафар довталабони Озмуни ҷумҳуриявии «Фурӯғи субҳи доноӣ китоб аст» сазовори «Шоҳҷоиза»-и озмун гардиданд
Имрӯз ба ғолибони Озмуни ҷумҳуриявии «Фурӯғи субҳи доноӣ китоб аст» ҷоизаҳо супорида шуданд
Имрӯз маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
«ФУРӮҒИ СУБҲИ ДОНОӢ КИТОБ АСТ». Волидони ғолибони озмун сазовори нишони «Маърифатпарвар» гардиданд
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Мақсади мо такмил додани донишу маҳорат аст»
«ФУРӮҒИ СУБҲИ ДОНОӢ КИТОБ АСТ». Муовини Сарвазири Тоҷикистон бо ҷараёни баргузории озмуни ҷумҳуриявӣ шинос шуд
«ФУРӮҒИ СУБҲИ ДОНОӢ КИТОБ АСТ». Дар озмун хонандагони синфҳои ибтидоии муассисаҳои таълимӣ фаъолона иштирок доранд
