НИШАСТИ МАТБУОТӢ. Дар ноҳияи Шаҳринав кӯдакистони №2 барои 300 кӯдак навсозӣ мешавад

Август 3, 2024 17:00

ШАҲРИНАВ, 03.08.2024 /АМИТ «Ховар»/. Кишоварзони ноҳияи Шаҳринав соли 2024 дар ҳамаи шаклҳои хоҷагидорӣ дар майдони 8 ҳазору 321,5 гектар кишти зироати кишоварзӣ анҷом доданд. Аз ҷумла, дар 4832,8 гектар ғалладонагӣ, дар 927,2 гектар зироати техникӣ, дар 300 гектар пахта, дар 264,7 гектар кортошка, дар 1015,3 гектар сабзавот ва дар 348,4 гектар зироати хӯроки чорво кишт шуд. Хушбахтона, кишоварзони ноҳия дар ин давра 8441,8 тонна ғаладонагӣ, 4769,8 тонна картошка, 21724,5 тонна сабзавот, 3276,7 тонна мева ва дигар маҳсулоти кишоварзӣ истеҳсол намуданд. Дар ин давра кишоварзони ноҳияи Шаҳринав ба хориҷи мамлакат ва шаҳру навоҳии ҷумҳурӣ 5 ҳазору 31 тонна маҳсулоти кишоварзӣ содирот намудаанд, ки нисбат ба ҳамин давраи соли 2023 276 тонна зиёд мебошад. Ин матлабро Раиси ноҳияи Шаҳринав Абдуқодир Вализода зимни нишасти матбуотӣ баён дошт.

Тавре дар нишасти матбуотӣ изҳор гардид, бо мақсади беҳтар намудани вазъият ва иҷрои талаботи “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025” дар назди 40 муассисаи таълимии ноҳия 1360 нафар кӯдакони 5-6-сола ба таълиму тарбия фаро гирифта шудаанд. Инчунин ба хотири амалӣ гардонидани ин барнома аз ҷониби соҳибкори ватанӣ Умар Кремлёв дар айни замон сохтмони кӯдакистони №2-и ноҳия бо маблағи 15 миллион сомонӣ барои 300 кӯдак қариб ба анҷом расида, дар оғози соли нави таҳсил мавриди баҳрабардорӣ қарор дода мешавад.

Нақшаи қисми даромади буҷет бо назардошти андози иҷтимоии ғайрибуҷетӣ 105 фоиз иҷро гардида, ба буҷети ноҳия 34 миллиону 880 ҳазору 620 сомонӣ ворид карда шуд, ки нисбат ба нақша 1 миллиону 716 ҳазору 909 сомонӣ зиёд мебошад. Аз ҳисоби маблағҳои буҷети ҷумҳуриявӣ ба буҷети ноҳия 24 миллиону 924 ҳазору 619 сомонӣ маблағҳои мақсаднок (субвенсия) ворид карда шуд. Бақияи қарзи андозҳо ба ҳолати 1 июли соли 2024 дар ноҳияи Шаҳринав 1 миллиону 722 ҳазору 478 сомониро ташкил медиҳад.

Субҳониддини МАҲМУД,
АМИТ «Ховар»

АКС: АМИТ «Ховар»

Август 3, 2024 17:00

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад