НИШАСТИ МАТБУОТӢ. Палатаи ҳисоб зиёда аз 182 миллион сомонӣ маблағи қоидавайронкунии молиявиро барқарор намуд
ДУШАНБЕ, 07.08.2024 /АМИТ «Ховар»/. Аз ҷониби Палатаи ҳисоби Ҷумҳурии Тоҷикистон 182 миллиону 500 ҳазор сомонӣ маблағи қоидавайронкунии молиявӣ барқарор карда шуд. Дар ин хусус имрӯз Раиси Палатаи ҳисоб Қарахон Чиллазода дар нишасти матбуотӣ иттилоъ дод.
Бо мақсади таъмини арзёбии саривақтию сифатноки даромад ва хароҷоти буҷети давлатӣ ва истифодаи самараноку мақсадноки воситаҳои давлатӣ дар вазорату идораҳо, марказ ва гурӯҳҳои татбиқи лоиҳаҳои сармоягузорӣ, бонкҳо, субъектҳои хоҷагидорӣ ва дигар муассисаҳои буҷетӣ аз ҷониби аудиторони Палатаи ҳисоб 67 чорабинии аудиторӣ гузаронида шуда, қоидавайронкунии молиявӣ ба маблағи 183 миллиону 900 ҳазор сомонӣ муайян гардид. Ин нисбат ба ҳамин давраи соли 2023 87 миллиону 100 ҳазор сомонӣ зиёд мебошад.
Оид ба бартараф намудани камбудию норасоиҳои муайянгардида тадбирҳои мушаххас андешида шуда, қоидавайронкунии молиявӣ ба маблағи 182,5 миллион сомонӣ, аз ҷумла ба буҷет 114,1 миллион сомонӣ, ба корхонаҳо 44,4 миллион сомонӣ ва тавассути мақомоти ҳифзи ҳуқуқ 24 миллион сомонӣ барқарор шуд, ки 99,2 фоизро ташкил медиҳад.
Барои бартараф намудани камбудию норасоиҳои молиявӣ ба вазорату идораҳо, корхонаву муассисаҳо ва марказҳои лоиҳаҳои сармоягузорӣ 14 хулоса ва мактубҳои ахборӣ бо 508 тавсияи судманд ирсол шуда, аз баррасии онҳо 22 қарору фармон қабул гардид.
Раъно НУСРАТУЛЛО,
АМИТ «Ховар»
АКС: АМИТ «Ховар»
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
