ОМОДАГӢ БА СОЛИ ХОНИШ. Дар Суғд ба хонандагон аз оилаҳои ниёзманд либоси мактабӣ ва лавозимоти хониш тақдим гардид
ДУШАНБЕ, 28.08.2024. /АМИТ «Ховар»/. Ҳукумати Ҷумҳурии Тоҷикистон барои дастгирии гурӯҳи ниёзманди ҷомеа тадбирҳои заруриро амалӣ намуда, бобати таҳсил намудану соҳибкасб шудани наврасон тамоми шароитро фароҳам овардааст. Президенти Ҷумҳурии Тоҷикистон муҳтарам Эмомалӣ Раҳмон махсусан ба ятимон таваҷҷуҳи хосса зоҳир намуда, барои соҳиби маълумот ва касбу ҳунар гардидани онҳо тамоми имконият ва шароити заруриро фароҳам намудаанд.
Тавре АМИТ «Ховар» бо истинод ба хадамоти матбуоти Раиси вилояти Суғд хабар медиҳад, ба 70 нафар хонандагони муассисаҳои шаҳри Бӯстон, 100 нафар аз шаҳри Гулистон, 160 нафар аз ноҳияи Бобоҷон Ғафуров, 80 нафар аз ноҳияи Айнӣ, 160 нафар аз шаҳри Хуҷанд ва ба 113 нафар тарбиятгирандагони Мактаб-интернати шаҳри Истаравшан, ки бо ҳукми тақдир ятим мондаанд, аз номи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон либосҳои мактабӣ ва лавозимоти хониш тақдим гардид.
Раиси вилояти Суғд зимни суҳбат бо хонандагон аз оилаҳои ниёзманд ва муҳассилине, ки бо амри тақдир ятим мондаанд, иброз дошт, ки давлат ва Ҳукумати мамлакат гурӯҳи ниёзманди ҷомеаро мунтазам дастгирӣ менамояд. Бинобар ин, ятимону бепарасторон ва дигар табақаҳои ниёзманди ҷомеа бояд ҳеҷ гоҳ худро танҳо ҳис накунанд ва бо шукргузорӣ аз Истиқлоли давлатӣ дар фазои орому осудаи мамлакат таҳсил карда, соҳиби касб шаванд.
Таъкид гардид, ки рушду нумӯи соҳаи маориф асоси пешрафти ҷомеа ва иқтисодиёти он ба шумор рафта, Ҳукумати Ҷумҳурии Тоҷикистон барои рушди соҳа тадбирҳои амиқу пурсамар андешида, маблағгузории соҳаро ҳамасола ба таври назаррас афзоиш медиҳад.
Наврасон миннатдории худро барои ғамхориҳои пайваста ба Пешвои миллат муҳтарам Эмомалӣ Раҳмон баён дошта, ваъда доданд, ки мактабро бо баҳои хубу аъло хатм менамоянд ва дар пешрафти Ватан саҳми назаррас мегузоранд.
Ёдовар мешавем, ки дар шаҳри Ҳисор низ ба 50 нафар ятимони кулл сару либос ва лавозимоти мактабӣ тақдим гардид.
АКС: Хадамоти матбуоти Раиси вилояти Суғд
30-СОЛАГИИ КОНСТИТУТСИЯИ ТОҶИКИСТОН. Дар Хадамоти назорати давлатии тандурустӣ ва ҳифзи иҷтимоии аҳолӣ ҳамоиш доир шуд
СОЛИ МАЪРИФАТИ ҲУҚУҚӢ. Дар Донишгоҳи давлатии Кӯлоб конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
КОНСТИТУТСИЯИ ТОҶИКИСТОН — ШИНОСНОМАИ МИЛЛАТ. Дар Маркази омӯзиши пиряхҳо ҳамоиш баргузор шуд
Дар Бохтар конференсияи илмӣ-назариявии байналмилалӣ доир шуд
Имрӯз дар шаҳри Душанбе ҳаво то 25 дараҷа гарм мешавад
Дар Муассисаи давлатии «Маркази миллии патенту иттилоот» оид ба танзими ҷашну маросим ҳамоиш доир шуд
«КОНСТИТУТСИЯ — ҚОНУНИ АСОСӢ ВА САРЧАШМАИ ҲУҚУҚӢ». Дар Душанбе таҳти ин унвон конфронс доир шуд
Имрӯз дар ноҳияҳои кӯҳии Тоҷикистон ҳаво то 21 дараҷа гарм мешавад
Ҳайати Тоҷикистон дар ҷаласаи сатҳи баланд оид ба гуногунии биологӣ дар Колумбия иштирок намуд
Ҳайати Тоҷикистон дар Конфронси 34-уми байналмилалии Салиби Сурх ва Ҳилоли Аҳмар иштирок намуд
