Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
ДУШАНБЕ, 23.08.2024 /АМИТ «Ховар»/. Дар шаҳри Душанбе ҷаласаи чоруми Гурӯҳи кории Кумитаи ҳамоҳангсози донорҳо таҳти сарпарастии Вазорати нақлиёти Ҷумҳурии Тоҷикистон ва Бонки Осиёии рушд баргузор гардид, иттилоъ медиҳад АМИТ «Ховар» бо истинод ба Вазорати нақлиёти ҷумҳурӣ.
Дар ҷаласа намояндагони вазорату идораҳои давлатӣ-Вазорати молия, кумитаҳои ҳифзи муҳити зист, ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, роҳбари дафтари Бонки Осиёии рушд (ADB) дар Тоҷикистон, намояндагони Бонки ҷаҳонӣ (WB), Иттиҳоди Аврупо (EU), Бонки исломии рушд (IDB), Бонки аврупоии рушд ва тараққиёт (EBRD), Фонди авруосиёии муътадилсозӣ ва рушд (EFSD) ва Агентии Ҷопон оид ба ҳамкории байналмилалӣ (JICA) иштирок намуданд.
Дар ҷаласа масъалаи рафъи оқибатҳои офатҳои табиӣ ва зарари бар асари ин офатҳо ба иншооти роҳу нақлиёт расида, барқарорсозии роҳу пулҳои зарардида ва роҳҳои пешгирӣ аз чунин офатҳо баррасӣ гардид. Дар натиҷаи офатҳои табиие, ки нимаи якуми имсол дар ҷумҳурӣ рух доданд, 152,4 километр роҳҳои автомобилгард, 19 пул бо дарозии умумии 704 метр ва 10 қубури обгузар қисман ва пурра хароб гардидаанд.
Намояндагони созмонҳои байналмилалӣ барои ҳамкорӣ ва дастгирии вазорат дар барқарорсозии роҳу пулҳои зарардида изҳори омодагӣ намуданд. Аз ҷумла, намояндаи Агентии Ҷопон оид ба ҳамкории байналмилалӣ ((JICA) изҳор дошт, ки барои барқарор сохтани пулҳои зарардида, ки аҳамияти аввалиндараҷа доранд, кумак мерасонад.
АКС: Вазорати нақлиёти Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
