Шумораи парвандаҳо вобаста ба риоя нагардидани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» зиёд шудааст
ДУШАНБЕ, 08.08.2024 /АМИТ «Ховар»/. «Ҳокимияти судии мустақил ва устувор яке аз унсурҳои муҳими давлати демократӣ ва ҳуқуқбунёд ба шумор меравад. Ҳокимияти судӣ риоя ва ҳифзи ҳуқуқу озодиҳо ва манфиатҳои қонунии шаҳрвандон, давлат ва ташкилоту муассисаҳоро кафолат медиҳад. Фаъолияти суд барои таъмини қонуният тавассути баррасии парвандаҳо ва қабули қарорҳои қонунӣ ва асоснок равона карда шудааст», — чунин гуфт Раиси Суди Олии Ҷумҳурии Тоҷикистон Шермуҳаммад Шоҳиён зимни нишасти матбуотӣ, ки имрӯз дар шаҳри Душанбе баргузор гардид.
Дар нишасти матбуотӣ иттилоъ дода шуд, ки дар нимсолаи якуми соли 2024 аз ҷониби Суди Олӣ, суди Вилояти Мухтори Кӯҳистони Бадахшон, судҳои вилоятҳои Суғду Хатлон, шаҳри Душанбе, судҳои ҳарбӣ ва шаҳру ноҳияҳои ҷумҳурӣ дар маҷмӯъ 94303 парванда ва дархосту пешниҳодот мавриди баррасӣ қарор дода шуданд.
Вобаста ба риоя накардани Қонуни Ҷумҳурии Тоҷикистон «Дар бораи танзими ҷашну маросима дар Ҷумҳурии Тоҷикистон» 885 парвандаҳои ҳуқуқвайронкунии маъмурӣ нисбат ба 885 шахс баррасӣ шуда, аз онҳо 877 шахс ба маблағи зиёда аз 6 миллион сомонӣ ҷарима шуданд.
Шумораи умумии баррасии парвандаҳои ҳуқуқвайронкуниҳо бинобар сабаби риоя накардани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» 27 ҳазору 248 ададро ташкил медиҳад. Дар маҷмуъ дар асоси ин парвандаҳо ба 3 ҳазору 681 нафар ҷазои огоҳӣ ва нисбат ба 21 ҳазору 340 нафар ба маблағи умумии 4 миллиону 653 ҳазор сомонӣ ҷарима таъйин шудааст. Таъкид гардид, ки шумораи умумии баррасии парвандаҳои ҳуқуқвайроникуии маъмурӣ бинобар сабаби риоя накардани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» нисбат ба ҳамин давраи соли гузашта 17 ҳазору 487 адад зиёд гардидааст.
Бо мақсади ҷалб намудани диққати мақомоти давлатӣ, ташкилотҳои ҷамъиятӣ ва шахсони мансабдор ба ҳолатҳои вайронкунии қонун ва сабабу шароитҳое, ки ба содир шудани қонунвайронкунӣ мусоидат кардаанд, судяҳо 18 ҳазору 341 таъинотои хусусӣ бароварда ба мақомоти дахлдор 688 пешниҳод ирсол намуданд.
Дар давраи ҳисоботӣ бо мақсади баланд бардоштани сатҳи дониш ва боло бурдани маърифати ҳуқуқии шаҳрвандон бо иштироки судҳо дар радиои «Ховар» 24 барномаи «Маърифати ҳуқуқӣ» сабт ва ба шунавандагон пешниҳод шудааст.
Акрам САНГЗОДА,
Зоҳирҷони ТОИРЗОД (АКС),
АМИТ «Ховар»
Ваколатдор оид ба ҳуқуқи инсон дар Тоҷикистон дар конфронси сатҳи баланд дар Рим сухан гуфт
Саҳми таърихии тоҷикон дар ташаккули фарҳанг ва тамаддуни исломӣ. Дар Душанбе конфронси байналмилалӣ оғоз гардид
Дар замони соҳибистиқлолии Тоҷикистон беш аз 250 ҳазор духтарон муассисаҳои таҳсилоти олиро хатм намуданд
Дар Душанбе ҷаласаи 35-уми Шурои байнидавлатии обуҳавошиносии Иттиҳоди Давлатҳои Мустақил доир гардид
Президенти Тоҷикистон: «Дар 15 соли охир барои сокинони эҳтиёҷманди ноҳияи Лахш 172 гектар замини наздиҳавлигӣ ҷудо гардидааст»
Бинои маъмурии Кумитаи иҷроияи Ҳизби Халқии Демократии Тоҷикистон дар ноҳияи Варзоб ифтитоҳ шуд
СОЛИ МАЪРИФАТИ ҲУҚУҚӢ. Конститутсия ҳамчун ҳуҷҷати муҳим арзишҳои асосии ҷомеа ва давлатро дар бар мегирад
Дар бархе муассисаҳои тандурустии вилояти Хатлон норасоии таҷҳизоти муосири тиббӣ ба назар мерасад
Муассисаҳои тандурустии вилояти Суғд баъд аз таъмир мавриди истифода қарор гирифтанд
Табиби тоҷик Сурайё Шукурова соҳиби ҷоизаи ҷаҳонӣ гардид
Пешвои миллат: «Тамоми имконияту захираҳо барои баланд бардоштани сатҳу сифати зиндагии мардуми мамлакат сафарбар карда шуданд»
Дар Коллеҷи техникии Тоҷикистон 33-солагии Истиқлолияти давлатиро таҷлил намуданд
