СОЛИ МАЪРИФАТИ ҲУҚУҚӢ. Дар Агентии омор дар ин мавзуъ ҷамъомад баргузор шуд
ДУШАНБЕ, 17.08.2024 /АМИТ «Ховар»/. Соли маърифати ҳуқуқӣ эълон шудани соли 2024 марҳилаи нави рушди ҷомеа маҳсуб мешавад. Бояд эътироф намуд, ки аз ҷониби Ҳукумати Тоҷикистон ҷиҳати таъмин намудани зиндагии шоиста, тамоми санадҳои ҳуқуқӣ таҳия, пешбарӣ ва қабул шудаанд. Дар ҷавоб ба ин иқдоми Ҳукумати ҷумҳурӣ сокинони мамлакатро мебояд маърифати ҳуқуқии худро баланд бардошта, дар бунёди давлати миллии муосири пешрафта бо роҳи риояи қонунҳо саҳми шоиста гузоранд. Дар ин хусус 16 август зимни барузории ҳамоиш бахшида ба Соли маърифати ҳуқуқӣ дар Агентии омори назди Президенти Ҷумҳурии Тоҷикистон иброз гардид, хабар медиҳад АМИТ «Ховар» бо истинод ба ин агентӣ.
Муовини директори Агентии омор Зарина Назарзода иброз дошт, ки баргузории чунин ҳамоишу суҳбатҳо ва дигар чорабиниҳо дар баланд бардоштани маърифати ҳуқуқии кормандон ва аҳли ҷомеа мусоидат менамояд.
Таъкид гардид, ки рушди бомароми сиёсати ҳуқуқии Тоҷикистони соҳибистиқлол бо шарофати сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амалӣ гардида истодааст.
Мудири бахши ҳуқуқи Агентии омор Нозиршо Қадамшоев гуфт, ки вазифаи хизматии ҳар яки мост, ки бо риояи дақиқи қонунгузориҳо дар соҳаи мақомоти давлатӣ фаъолият намуда, бо интизоми намунавии хизматӣ ва эҳсоси волои ватандӯстона бо донишу маҳорати баланди касбии хеш дар пешрафти ҳам соҳа ва ҳам ҷумҳурӣ саҳм гузорем.
Барои устувории ваҳдати миллӣ дар ҷомеа ва давлат таҳкими ватандӯстии шаҳрвандон, ҳамчунин эҷоди фазои қонунмеҳвар ва рушди маърифати ҳуқуқӣ зарур аст. Маҳаки асосии маърифати ҳуқуқии ҳар миллат ва давлати соҳибистиқлолро, бешубҳа, конститутсия ташаккул медиҳад, ки он ба амалишавии ҳуқуқу озодиҳои инсон ва шаҳрванд кафолат медиҳад.
«Донистан, эҳтиром ва риояи Конститутсия ва қонунгузории мамлакат, ҳифзи тартиботи ҷамъиятӣ ва ахлоқ, таҳкими ҳамкории ҳамаҷонибаи шаҳрвандон бо мақомоти давлатӣ, иштироки шаҳрвандон дар раванди фаъолияти қонунгузорӣ ва дигар равандҳои ҷумҳурӣ вазифаи аввалиндараҷаи ҳар як шаҳрванди ҷумҳурӣ ба шумор меравад. Вале дар сурати риоя нагардидани қонунгузорӣ ва даст задан ба ҳуқуқвайронкунӣ боиси татбиқи ҷавобгарии ҳуқуқи мегардад. Зеро мутобиқ ба муқаррароти Конститутсияи Ҷумҳурии Тоҷикистон надонистани қонун ҷавобгариро истисно намекунад»,- таъкид намуд Нозиршо Қадамшоев.
Дар ҳамоиш иштирокдорон вобаста Соли маърифати ҳуқуқӣ ибрози андеша намуданд.
АКС: Агентии омори назди Президенти Ҷумҳурии Тоҷикистон
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
