33-СОЛАГИИ ИСТИҚЛОЛИ ДАВЛАТӢ. Ба ин муносибат дар ноҳияи Деваштич якчанд иншоот ба истифода дода шуд
ДУШАНБЕ, 09.09.2024. /АМИТ «Ховар»/. Бахшида ба 33-солагии Истиқлоли давлатӣ дар ноҳияи Деваштичи вилояти Суғд якчанд иншоот ба истифода дода шуд, хабар медиҳад АМИТ «Ховар» бо истинод ба Кумитаи кор бо ҷавонон ва варзиш.
Тибқи иттилои манбаъ, дар деҳаи Қаълачаи арбоби ҷамоати деҳоти Далёни Боло ва деҳаи Зароби Ҷамоати деҳоти Муҷун ду пули мошингузар мавриди истифода қарор гирифт. Яке аз пулҳои мошингузар аз ҷониби соҳибкорони деҳа — оилаи Абдуллоевҳо ба маблағи 1 миллион сомонӣ сохта, ба истифода дода шуд.
Пули дигари мошингузар аз ҳисоби пасандозҳои оилае, ки барои сафари ҳаҷ ҷамъоварӣ карда буд, ба маблағи 700 ҳазор сомонӣ сохта шуд.
Таъкид гардид, ки чунин иқдом аз ҷониби саховатмандон барои ободии Ватан ва маҳалл заминаи мусоид мегузорад.
Ҳамзамон дар деҳаи Зароби Ҷамоати деҳоти Муҷун майдончаи варзишии футболи болопӯшида ба истифода дода шуд.
Майдончаи варзишӣ аз тарафи соҳибкорони деҳа ба маблағи 700 ҳазор сомонӣ бунёд гардид.
Иброз гардид, ки ифтитоҳи майдончаи варзишӣ имкон медиҳад наврасону ҷавонон рӯ ба ташвиқу тарғиби ҳаёти солим оранд ва ба ин васила ба варзиш ҷалб карда шаванд.
Инчунин бахшида ба 33-солагии Истиқлоли давлатии Ҷумҳурии Тоҷикистон дар Кохи фарҳангӣ ноҳия чорабинии бошукӯҳи фарҳангӣ таҳти унвони «Тараннуми Истиқлол» баргузор гардид.
Дар ҳамоиши идона вобаста ба дастовардҳои мамлакат дар даврони соҳибистиқлолӣ ва саҳми арзишманди Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар раванди давлатсозӣ ва давлатдории миллӣ, таъмини сулҳу субот ва баланд бардоштани нуфузу эътибори Тоҷикистон дар арсаи ҷаҳонӣ ибрози андеша карда шуд.
Дар рафти чорабинӣ барои фаъолияти меҳнатӣ ва саҳми назаррас дар рушду пешрафти ноҳия дар асоси Фармони Президенти Ҷумҳурии Тоҷикистон ду корманди Мақомоти иҷроияи ҳокимияти давлатии ноҳияи Деваштич бо мукофоти давлатӣ — медали «Хизмати шоиста» сарфароз гардонида шуданд.
Дар идома барномаи фарҳангӣ бо суруду таронаҳои ватандӯстона пешкаш гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
