Ҳайати Тоҷикистон дар ҷаласаи Шурои машваратии роҳбарони мақомоти интихобот ва раъйпурсии кишварҳои иштирокдори ИДМ иштирок намуд
ДУШАНБЕ, 20.09.2024 /АМИТ «Ховар»/. Аз 18 то 20 сентябр дар шаҳри Минск ҳайати Ҷумҳурии Тоҷикистон таҳти роҳбарии раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода дар ҷаласаи Шурои машваратии роҳбарони мақомоти интихобот ва раъйпурсии кишварҳои иштирокдори Иттиҳоди Давлатҳои Мустақил иштирок намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Беларус хабар медиҳад.
Дар ҳошияи ҷаласа Президенти Ҷумҳурии Беларус Александр Лукашенко роҳбарони мақомоти интихобот ва раъйпурсии кишварҳои иштирокдори Иттиҳоди Давлатҳои Мустақилро ба ҳузур пазируфт.
Ҳамзамон дар доираи ҷаласа вохӯрии Бахтиёр Худоёрзода бо раиси Комиссияи марказии интихоботи Ҷумҳурии Беларус Игор Карпенко доир гардид, ки зимни он ҷонибҳо равобити дуҷонибаро мавриди муҳокима қарор доданд.
Бояд тазаккур дод, ки 19 сентябр ҳайати Тоҷикистон дар ҷаласаи сеюми Шурои машваратии роҳбарони мақомоти интихобот ва раъйпурсии кишварҳои иштирокдори Иттиҳоди Давлатҳои Мустақил иштирок намуд.
Дар ҷаласа оид ба масоили равишҳои муосир ба ташкили назорати байналмилалӣ ва методологияи мониторинг ва таъсиси комиссияи ҷамъиятии ҷавонон дар назди Шуро муколамаи судманд анҷом дода шуд.
Роҳбарони мақомоти интихобот ва раъйпурсӣ инчунин дар ҷаласаи пленарии Конфронси байналмилалии илмӣ-амалии «Стандартҳои байналмилалӣ дар раванди интихобот: таҷриба ва дурнамои рушд» иштирок намуданд.
Ҳайати Тоҷикистонро Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода ҳамроҳӣ намуд.
АКС: Сафорати Ҷумҳурии Тоҷикистон дар Ҷумҳурии Беларус
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
