Бахшида ба Истиқлоли давлатии Ҷумҳурии Тоҷикистон дар шаҳри Машҳади Эрон нишасти илмиву адабӣ баргузор гардид
ДУШАНБЕ, 16.09.2024 /АМИТ «Ховар»/. 13 сентябр бо ибтикори Сафорати Ҷумҳурии Тоҷикистон дар Ҷумҳурии Исломии Эрон ва Муассисаи фарҳангии «Хирадсарои Фирдавсӣ» дар шаҳри Машҳад бахшида ба 33-солагии Истиқлоли давлатии Ҷумҳурии Тоҷикистон нишасти илмиву адабӣ таҳти унвони «Биёрой рӯи заминро ба меҳр» баргузор гардид.
Тавре ба АМИТ «Ховар» дар Сафорати Ҷумҳурии Тоҷикистон дар Ҷумҳурии Исломии Эрон хабар доданд, дар нишаст намояндагони илм, адаб ва фарҳанги Машҳад ва вилояти Хуросони Разавӣ иштирок намуданд.
Сафири Тоҷикистон дар Эрон Низомиддин Зоҳидӣ саҳми бузурги Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар таъмини сулҳу ваҳдат, таҳкими пояҳои Истиқлолият ва давлатдории миллӣ таъкид намуда, ташаккули фарҳанги тамомиёри миллиро дар Тоҷикистон яке аз самараҳои Истиқлолият қаламдод кард.
Донишмандони маъруфи эронӣ Муҳаммаҷаъфари Ёҳақӣ, Амир Илҳомӣ, Алиашрафи Шабистарӣ, Ризо Ашрафзода ва дигарон бо таъкид ба дастовардҳои азими Тоҷикистон дар солҳои Истиқлолият, рушди ҳамкории фарҳангӣ байни Тоҷикистон ва Эронро заминасози равобити дӯстиву шарикии ду давлати ҳамзабон ва ҳамфарҳанг номиданд.
Дар идома аз ҷониби шоирони эронӣ Амир Шаҳло, Абӯтолиб Музаффарӣ, Мошоаллоҳ Халилӣ ва дигарон шеърҳо дар васфи Тоҷикистон ва дӯстии ду миллати тоҷику эронӣ қироат карда шуданд.
Наворҳои инъикоскунандаи зебоиҳо ва ҷозибаҳои сайёҳии Тоҷикистон ба иштирокдорони барнома давлати моро чун кишвари дорои зарфияти бузурги сайёҳӣ муаррифӣ намуданд.
Дар фарҷом шумораи 54-уми фаслномаи илмиву фарҳангии «Пож» рӯнамоӣ гардид, ки он ба дастовардҳои адабиёти муосири тоҷик дар даврони Истиқлолият ва хотираи ду донишманди барҷастаи Тоҷикистон – Муҳаммадҷон Шакурӣ ва Худоӣ Шарифзода бахшида шуд.
Ҳамчунин китоби адабпажӯҳи номвари тоҷик Расул Ҳодизода – «Рӯдакии дур аз наздик», ки аз охирин навиштаҳои устоди зиндаёд буда, ахиран аз ҷониби «Хирадсарои Фирдавсӣ» ба нашр расидааст, ба иштирокдорон рӯнамоӣ гардид.
АКС: Сафорати Ҷумҳурии Тоҷикистон дар Ҷумҳурии Исломии Эрон
Конфронси чоруми байналмилалии сатҳи баланд Тоҷикистонро ҳамчун давлати фаъол дар ҳалли масъалаҳои обу иқлим муаррифӣ менамояд
Сафири Тоҷикистон бо ёвари Котиби энергетикаи Иёлоти Муттаҳидаи Амрико мулоқот намуд
Дар Душанбе омодагӣ ба Саммити сарони давлатҳои «Осиёи Марказӣ-Ҷумҳурии Корея» баррасӣ гардид
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
Дар Миср Ҷашни байналмилалии Наврӯзро таҷлил намуданд
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Панҷакент 200 иншооти ҷашнии иловагӣ сохта мешавад
Дар ноҳияи Тоҷикобод Боғи интенсивии «35-солагии Истиқлолият» таъсис дода мешавад
«ДАВЛАТМАРД». Бахшида ба 35-солагии Истиқлоли давлатӣ китоби Далер Абдулло ба нашр расид
ОБОД СОХТАНИ ВАТАН ИБОДАТ АСТ! Соҳибкори саховатпеша 30 ҳазор нафар аҳолии Темурмаликро бо оби нӯшокӣ таъмин намуд
Дар шаҳри Анқара Ҷашни Наврӯзи байналмилалиро таҷлил намуданд
Дар ноҳияи Бобоҷон Ғафуров соҳаи саноат рушд меёбад
Дар маҳаллаи Сангин Ниёзови ноҳияи Мастчоҳ Маркази хайриявии таълимию касбомӯзии «Тоҷикона» ба истифода дода шуд
