Байни Тоҷикистон ва Русия дар самти муқовимат ба коррупсия созишнома ба имзо расид
ДУШАНБЕ, 20.09.2024 /АМИТ «Ховар»/. 19 сентябр дар доираи ҷаласаи 9-уми Шурои байнидавлатии муқовимат ба коррупсияи давлатҳои аъзои Иттиҳоди Давлатҳои Мустаъқил Созишнома оид ба ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия дар самти муқовимат ба коррупсия ба имзо расонида шуд. Дар ин хусус ба АМИТ «Ховар» дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Созишнома аз ҷониби директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода ва Прокурори генералии Федератсияи Русия Игор Краснов имзо карда шуд.
Зимни баимзорасонӣ роҳбарони ду мақомот муҳимияти ҳамкории мутақобилан судмандро дар самти муқовимат ба коррупсия бисёр муҳим арзёбӣ намуданд.
Баимзорасонии Созишномаи мазкур бо назардошти эътироф намудани асосҳои соҳибихтиёрӣ, истиқлолияти миллӣ, баробарӣ ва манфиатҳои ҳар ду давлати дӯст ба мақсад мувофиқ шуморида шуда, ҷонибҳо изҳори боварӣ намуданд, ки барқарорсозии ҳамкории мутақобилаи судманд дар оянда ба таҳкими муносибатҳои ду мамлакат шароити мусоид фароҳам меорад ва барои тақвият бахшидани неруҳои муборизабарандаи зидди коррупсия таъсири мусбӣ мерасонад.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Тоҷикистон ва минтақаи Фландрияи Подшоҳии Белгия ҳамкориро дар самти саноати сабук густариш медиҳанд
Ҳайати минтақаи Фландрияи Белгия ба Форуми байналмилалии «Dushanbe Invest 2025» даъват гардид
Дар корхонаҳои саноатии Тоҷикистон ба маблағи 1,8 миллиард сомонӣ масолеҳи сохтмонӣ истеҳсол карда шудааст
Ҳайати Бонки миллии Тоҷикистон бо фаъолияти филиали Бонки федералии Олмон – Бундесбонк шинос гардид
Дар таъмиру таҷдиди роҳи Душанбе-Чанок дар маҷмуъ тақрибан 347 ҳазор тонна асфалт истифода шудааст
Нақшаи амали татбиқи Ёддошти тафоҳум байни вазоратҳои молияи Тоҷикистон ва Қирғизистон оид ба ҳамкорӣ ба мувофиқа расид
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
