Бо бунёди бинои иловагии муассисаи таҳсилӣ дар ноҳияи Рӯдакӣ мушкилоти хонандагони синфҳои болоӣ бартараф шуд
РӮДАКӢ, 02.09.2024 /АМИТ «Ховар»/. Ба ифтихори ҷашни 33- солагии Истиқлоли давлатӣ ва Рӯзи дониш дар деҳаи Чаманорои Ҷамоати деҳоти Султонободи ноҳияи Рӯдакӣ бинои иловагии Муассисаи таҳсилоти миёнаи умумии №149 мавриди истифода қарор шуд. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Бинои иловагӣ бо саҳми сокинони хайрхоҳи деҳаи Чаманоро бо харҷи 350 ҳазор сомонӣ сохта шуда, аз ду ошёна ва шаш синфхона иборат мебошад. Бо дастгирии Мақомоти иҷроияи ҳокимияти давлатии ноҳияи Рӯдакӣ бинои муассиса бо мизу курсӣ ва дигар таҷҳизоту аёният таъмин гардид.
Бо бунёди бинои иловагии муассиса ва табдил додани он ба Муассисаи таҳсилоти миёнаи умумӣ дигар хонандагони синфҳои болоӣ барои идомаи таҳсил 3-4 километр роҳи ҷумҳуриявии Ёвон-Рӯдакӣ ва Рӯдакӣ-Душанберо тай намекунанд. Ҳамзамон хатари осеб дидану зери чархи мошин мондани хонандагон бартараф гардид.
Мувофиқи маълумоти Раёсати маорифи ноҳияи Рӯдакӣ, давоми соли 2024 дар ҷамоатҳои шаҳраку деҳоти ноҳия 82 синфхонаи иловагӣ дар назди 16 муассисаи таълимӣ ва ду бинои муассисаи таълимии нав ба истифода дода шуд, ки зиёда аз 2050 ҷойи нишастро дар як баст ташкил медиҳанд. Ҳамчунин то охири соли 2024 дар доираи нақшаи чорабиниҳо бахшида ба ҷашни 35-солагии Истиқлоли давлатӣ 45 синфхонаи иловагӣ ба истифода дода мешавад.
АКС: Мақомоти иҷроияи ҳокимияти давлатии ноҳияи Рӯдакӣ
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Дар Панҷакент иншооти иҷтимоӣ ва хизматрасонӣ ифтитоҳ гардиданд
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
