Дар Душанбе бо ҳайати сармоягузорони Амрико ва Британияи Кабир мулоқот доир шуд
ДУШАНБЕ, 17.09.2024 /АМИТ «Ховар»/. Новобаста аз фазои мураккаби сиёсиву иқтисодии ҷаҳон дар Ҷумҳурии Тоҷикистон пешравиҳои назаррас дар ҳама соҳаҳо ба мушоҳида расида, рушди босуботи иқтисодиву молиявӣ таъмин мегардад. Ин нуктаро Раиси Бонки миллии Тоҷикистон Фирдавс Толибзода дар мулоқот бо ҳайати баландпояи идоракунандаи фондҳо ва таҳлилгарони сармоягузории Амрико ва Британияи Кабир бо роҳбарии Президенти ширкати амрикоии «Trans – National Research» Марк Зивет дар шаҳри Душанбе таъкид намуд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Раиси Бонки миллии Тоҷикистон ҳамсуҳбатонро бо вазъи кунунии низоми бонкии мамлакат, сиёсати монетарӣ, нигоҳдории сатҳи таваррум дар доираи нишондиҳандаҳои пешбинишуда, омори низоми бонкӣ ва имконоти мавҷуда барои ҷалби сармоягузорӣ ва қонунгузории низоми бонкӣ шинос намуд.
Намояндагони ширкатҳои амрикоӣ ва бритониёӣ омодагиашонро барои ҳамкорӣ бо Бонки миллии Тоҷикистон иброз намуданд. Ҳадафи сафари ҳайат гузаронидани таҳлили макроиқтисодӣ ва арзёбии ҳамаҷониба, афзалияти рушди иқтисодӣ ва сармоягузории Тоҷикистон ва масъалаҳои сиёсати пулию қарзӣ мебошад.
Изҳори умед карда шуд, ки ин вохӯрӣ барои тақвияти ҳамкорӣ дар бахшҳои сармоягузорӣ ва тиҷорат, густариши робитаҳои иқтисодии давлатҳо ва таҳкими минбаъдаи ҳамкории бахшҳои гуногуни иқтисодии давлатҳо заминаи мусоид фароҳам меорад.
АКС: Бонки миллии Тоҷикистон
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ҚУРБИ АСЪОР: дар Тоҷикистон 1 евро аз 11.3228 то 11.3000 сомонӣ муқаррар шудааст
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
Гӯсфанди зоти ҳисорӣ ва ангури гулобии тоифӣ аз Тоҷикистон ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Вазъи кунунии паркҳои технологӣ дар Ҷумҳурии Тоҷикистон мавриди баррасӣ қарор гирифт
