СИТРУСПАРВАРӢ. Дар Тоҷикистон парвариши мандарин бештар мегардад
ДУШАНБЕ, 22.09.2024 /АМИТ «Ховар»/. Дар Ҷумҳурии Тоҷикистон навъи беҳтарини мандарин парвариш меёбад, ки аз ҷиҳати маззаю хушбӯӣ ва сифатнокӣ дар ҷаҳон ҳамто надорад.
Тавре ба АМИТ «Ховар» мудири шуъбаи зироаткории ситрусӣ-субтропикии Институти боғпарварӣ ва сабзавоткории Академияи миллии илмҳои кишоварзии Тоҷикистон Хайриддин Аминов иброз намуд, аз ҷониби олимони кишоварзи тоҷик ду сол аст, ки дар ноҳияи Ҷалолиддини Балхии вилояти Хатлон меваи мандарин павариш мешавад, ки ҳосили хуб медиҳад.
«Дарахти мандарин бо роҳи пайванд, яъне аз навдаи дарахти лимӯ зиёд карда мешавад. Ин навъи мева бо роҳи тухмӣ низ парвариш карда мешавад, аммо ҳосили хуб намедиҳад. Дарахтони мандаринро дар гармхона ва хандакҳо парвариш намудан мумкин аст. Ин навъ мева гармидӯст буда, ба хунукӣ тобовар нест. Ҳосили ин меваи ситрусӣ моҳҳои ноябр ва декабр ҷамъоварӣ мегардад. Ин дарахтон соле як маротиба ҳосил медиҳанд»,-гуфт Хайриддин Аминов.
Ҳамсуҳбати мо ҳамчунин афзуд, ки минтақаи вилояти Хатлон барои парвариши ин навъи мева мувофиқ мебошад. Инчунин ноҳияҳои тобеи ҷумҳурӣ ва шаҳри Ҳисор низ барои парвариши меваи мандарин ва навъҳои дигари меваҳои ситрусӣ созгор мебошанд.
«Мо нақша дорем, ки бо роҳи пайванд намудан ниҳолҳои онро зиёд намуда, парвариши ин меваро дар мамлакат бештар намоем. Ба ин восита ҳам ҷойи кор муҳайё ва ҳам нархи он дар бозори истеъмолӣ дастрас мегардад»,-иброз дошт Хайриддин Аминов.
Иброз гардид, ки дар бештари ноҳияҳои вилояти Хатлон парвариши меваҳои ситрусӣ, аз ҷумла мандарин бештар ба роҳ монда шудааст. Пойгоҳи асосии истеҳсоли меваҳои ситрусӣ водии Вахш ба ҳисоб меравад.
Табибон иброз медоранд, ки мандарин манбаи витамини С аст. Инчунин он дорои унсурҳои фоиданок ва минералҳо мебошад. Мисли дигар меваҳои ситрусӣ мандарин аз витаминҳо ва нахҳо бой мебошад. Истеъмоли мандаринро табибон баъд аз таом тавсия медиҳанд, чунки он қобилияти ҳазм намудан дорад.
АКС аз манбаъҳои боз
Дар Тоҷикистон ҳаҷми маблағи хизматрасонӣ барои нафақагирон сол то сол меафзояд
Дар Панҷакент вобаста ба истифодаи босамари замин ҷаласа баргузор шуд
Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
Имконоти сайёҳии Тоҷикистон дар ҳамоиши байналмилалӣ дар Эрон муаррифӣ шуданд
Дар Душанбе масъалаи густариши ҳамкории иқтисодӣ ва тиҷоратӣ байни Тоҷикистон ва Эфиопия баррасӣ шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
Мақомоти гумруки Тоҷикистон 6 ҳазору 490 қуттӣ маҳсулоти тамокуи ба таври қочоқ воридшударо ошкор намуд
Дар ноҳияи Муъминобод 4 ҳазору 92 тонна ангур ҷамъоварӣ карда шуд
