Дар Душанбе масъалаҳои ҳамкорӣ ва рушди хадамоти пенитенсиарии давлатҳои аъзои ИДМ баррасӣ шуданд
ДУШАНБЕ, 17.10.2024 /АМИТ «Ховар»/. 16 октябр дар Душанбе ҷаласаи IX Шурои роҳбарони хадамоти пенитенсиарии (иҷрои ҷазо)-и кишварҳои аъзои Иттиҳоди Давлатҳои Мустақил доир гардид, ки дар кори он масъалаҳои мубрам вобаста ба ҳамкорӣ ва рушди хадамоти пенитенсиарии давлатҳои аъзои Иттиҳоди давлатҳои Мустақил баррасӣ гардиданд, хабар медиҳад мухбири АМИТ «Ховар».
Дар ҷаласа намояндагони Тоҷикистон, Қазоқистон, Қирғизистон, Узбекистон, Беларус, Русия, Кумитаи иҷроияи Иттиҳоди Давлатҳои Мустақил, Маркази зиддитеррористӣ ва Бюрои ҳамоҳангсозии мубориза бо ҷиноятҳои муташаккил иштирок намуданд.
Дар нишаст мубодилаи иттилоот вобаста ба вазъи соҳаи пенитенсиарӣ ва самтҳои асосии ҳамкорӣ байни давлатҳои аъзои Иттиҳоди Давлатҳои Мустақил доир шуда, маълумоти Котиботи Шуро дар бораи ҷараёни иҷрои қарори ҷаласаи VIII Шуро ва ҷараёни иҷрои нақшаи корӣ барои соли 2024 шунида шуд.
Тибқи рӯзномаи ҷаласа, масъалаҳо вобаста ба чораҳои татбиқкунандаи Барномаи байнидавлатии тадбирҳои муштараки мубориза бо ҷинояткорӣ барои солҳои 2024-2028, иҷрои чорабиниҳои Барномаи ҳамкории давлатҳои аъзои Иттиҳоди Давлатҳои Мустақил дар самти мубориза бо терроризм ва экстремизм барои солҳои 2023-2025 дар доираи салоҳияти Шурои роҳбарони хадамоти пенитенсиарии кишварҳои аъзои Иттиҳоди Давлатҳои Мустақил ва ҷараёни омода намудани лоиҳаҳои шартномаҳои байналмилалӣ дар самти иҷрои ҷазо барои баррасӣ ба мақомоти олии Иттиҳоди Давлатҳои Мустақил муҳокима шуданд. Ҳамзамон аз натиҷаҳои он қарорҳои мушаххас қабул гардиданд.
Аз ҷониби аъзои Шуро қарор барои соли 2025 гузаронидани ҷаласаи навбатии X Шурои роҳбарони хадамоти пенитенсиарии (иҷрои ҷазо)-и кишварҳои аъзои Иттиҳоди Давлатҳои Мустақил дар Ҷумҳурии Узбекистон қабул шуд.
Хадамоти пенитенсиарӣ (ҷиноятӣ-иҷроӣ) аз калимаи лотинии poenitentia «пушаймонӣ» гирифта шуда, мақомоти ҳифзи ҳуқуқ- дастгоҳи маҷбуркунандаи давлатие аст, ки ба иҷрои ҷазоҳои ҷиноятие, ки тибқи қонун ба шаҳрвандон таъйин карда мешаванд, масъул аст.
Шаҳлои САДРИДДИН,
АМИТ «Ховар»
АКС: АМИТ «Ховар»
ЭҲТИЁТ АЗ ҚАЛЛОБӢ! Ва ё маблағҳои ҳамёнҳои электронӣ бо кадом роҳҳо тасарруф карда мешаванд?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
161 нафар муҳоҷирони экологӣ соли 2025 бо қитъаи замин ва кумаки яквақтаинаи моддӣ таъмин карда шуданд
НИШАСТИ МАТБУОТӢ. Дар Тоҷикистон соли 2025 беш аз 200 ҳодисаи табиӣ ба амал омадааст
ТАРБИЯ ПЕШ АЗ ТАЪЛИМ АСТ. Чаро ҷинояткории наврасону ҷавонон коҳиш намеёбад?
НИШАСТИ МАТБУОТӢ. Соли 2025 вобаста ба маводи нашъаовар чӣ миқдор ҷиноят ошкор гардид?
Изҳороти маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
