ЗИМИСТОНГУЗАРОНӢ. Гурӯҳи кории Вазорати нақлиёт омодагии муассисаҳои нигоҳдории роҳҳоро ба зимистон месанҷад
ДУШАНБЕ, 10.10.2024 /АМИТ «Ховар»/. Дар Вазорати нақлиёти Тоҷикистон бо мақсади омодагӣ ба фасли зимистон гурӯҳи корӣ таъсис дода шуд, иттилоъ медиҳад АМИТ «Ховар» бо истинод ба ин вазорат.
Вазири нақлиёти ҷумҳурӣ Азим Иброҳим намояндагони гурӯҳи кориро муваззаф намуд, ки омодагии роҳҳо ва муассисаҳои нигоҳдории роҳҳоро ба мавсими зимистон санҷанд.
Гурӯҳи корӣ ҷараёни сохтмон ва таҷдиди роҳу пулҳо, бақайдгирии дороиҳои роҳ, пешгирии ҳаракати воситаҳои нақлиёти гаронвазн ва калонҳаҷмро дар роҳҳои автомобилӣ аз назар мегузаронад.
«Бо назардошти он ки тибқи пешгӯии обуҳавошиносон, аллакай дар даҳаи дуюми моҳи октябр ҳарорати ҳаво дар ҷумҳурӣ паст хоҳад шуд, зарур аст, ки ҳолати роҳҳо, иншооти роҳ, ҳудуди корхонаҳо, биноҳо, омодагии техникаву таҷҳизоти махсус, ҷараёни тайёр кардани маводи зиддилағзиш, сӯзишвории дизелӣ, ангишт, ҳезум, либоси зимистона ва мавҷудияти дигар маводу масолеҳи зарурӣ санҷида шавад», — гуфт Вазири нақлиёт дар ҷаласаи назоратии вазорат.
Таъкид гардид, ки соҳаи роҳу нақлиёт бояд то 1 ноябри соли равон ба фаъолияти муътадил ва самарабахш дар фасли зимистон пурра омода карда шавад.
Ёдовар мешавем, ки 30 сентябри соли 2024 дар маҷлиси навбатии Ҳукумати Ҷумҳурии Тоҷикистон Президенти Ҷумҳурии Тоҷикистон муҳтарам Эмомалӣ Раҳмон ба Ҳукумати мамлакат, вазорату идораҳо ва дигар муассисаҳо оид ба омодагии сатҳи баланд ба давраи зимистон, захираи кофии озуқаворию сӯзишворӣ барои ҳамаи соҳаҳо ва тавсеаи корҳои созандагӣ ба ифтихори 35-солагии Истиқлоли давлатии Ҷумҳурии Тоҷикистон дастуру супоришҳои мушаххас доданд.
АКС: Вазорати нақлиёти Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
