Ба гиромидошти Рӯзи забони давлатӣ дар Суди Олии Ҷумҳурии Тоҷикистон маҷлиси тантанавӣ баргузор гардид
ДУШАНБЕ, 04.10.2024 /АМИТ «Ховар»/. Дар ҳамоише, ки 3 октябр дар Суди Олии Ҷумҳурии Тоҷикистон бахшида ба Рӯзи забони давлатӣ баргузор гардид, дар ситоиши забони ширину шевои тоҷикӣ гуфта шуд, ки «забон нишонаи ҳастии миллат, дарбаргирандаи суннатҳои таърихан ташаккулёфтаи халқ ва аз ҳама муҳим, унсури муҳимтарини шинохту муаррифи давлат ба ҳисоб меравад». Дар ин хусус ба АМИТ «Ховар» дар ин ниҳод хабар доданд.
Раиси Суди Олӣ Шермуҳаммад Шоҳиён иброз дошт, ки «забони давлатӣ рукни асосии соҳибихтиёрии давлат мебошад, зеро эътирофу шинохти давлат аз ҷониби субъектҳои ҳуқуқи байналмилалӣ маҳз аз ин падида сарчашма мегирад. Аз ин лиҳоз дар шароити ҷаҳонишавӣ софу бегазанд ва беолоишу устувор нигоҳ доштани забони модарӣ, ки заминаи муҳим ва асосӣ дар устувории пояҳои истиқлоли миллӣ мебошад, вазифаи ҳар шаҳрванди баору номуси Тоҷикистон аст».
Таъкид гардид, ки забони тоҷикӣ василаи ягонаи муколама байни ҷомеа аст. Рушду такомули пайвастаи он дар мақоми забони давлатӣ муҳимтарин рамзи истиқлоли давлативу сиёсӣ ба ҳисоб меравад, зеро Истиқлоли забонӣ пояи Истиқлоли сиёсиву фарҳангӣ маҳсуб мешавад.
«Шуруъ аз сардафтари адабиёти классикии тоҷик Абуабдуллоҳи Рӯдакӣ то бунёдгузори адабиёти навини тоҷик – Қаҳрамони Тоҷикистон Садриддин Айнӣ ва адибону олимони муосир осори гаронбаҳои илмиву адабии хешро бо ин забони шево эҷод намуда, дар муаррифӣ намудани миллати тоҷик саҳми бузург гузоштаанд»,- иброз гардид дар ҳамоиш.
Имрӯз забони давлатӣ дар ҳудуди давлат ба сифати омили муҳимтарини баҳамоии миллат ва халқият хизмат менамояд.
Бо вуҷуди мақоми асосӣ доштани забони давлатӣ меъёрҳои Конститутсияи Ҷумҳурии Тоҷикистон барои рушду нумуи забонҳои халқҳои ақаллияти сокини мамлакат низ имконияти баробар фароҳам овардааст.
Тибқи Қонуни Ҷумҳурии Тоҷикистон «Дар бораи рӯзҳои ид», ҳамасола 5 октябр дар мамлакат Рӯзи забони давлатӣ ҷашн гирифта мешавад.
АКС: Суди Олии Ҷумҳурии Тоҷикистон
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
