Дар Душанбе дар доираи Конвенсия оид ба манъи истифодаи силоҳи биологӣ ва токсинӣ конфронси байналмилалӣ оғоз ёфт
ДУШАНБЕ, 01.10.2024. /АМИТ «Ховар»/. Имрӯз дар шаҳри Душанбе дар доираи Конвенсияи манъи силоҳи биологӣ ва токсинӣ (КБСТ) дар мавзуи «Чораҳои эътимодбахшӣ» конфронси байналмилалӣ оғоз шуд, ки то 3 октябр идома меёбад. Дар ин хусус ба АМИТ «Ховар» дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Конфронс аз ҷониби Дафтари Созмони Милали Муттаҳид оид ба масъалаҳои халъи силоҳ (UNODA) дар ҳамкорӣ бо Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ташкил гардид.
Дар конфронс коршиносон аз Қазоқистон, Маҷористон, инчунин намояндагони вазорату идораҳои гуногуни Ҷумҳурии Тоҷикистон, ки фаъолияташон ба таъмини амнияти биологӣ алоқаманд аст, иштирок доранд. Илова бар ин, намояндагони Маркази байналмилалии илмӣ ва техникӣ (МБИТ) дар бораи имконияти пешниҳоди лоиҳаҳо дар соҳаи амнияти биологӣ маъруза мекунанд.
Директори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Илҳом Мирсаидзода дар ҳамоиш дар хусуси чораҳои Ҳукумати Ҷумҳурии Тоҷикистон оид ба баланд бардоштани сатҳи амнияти биологӣ дар мамлакат сухан гуфт.
Ҳамзамон ташаббусҳои асосӣ барои таҳкими инфрасохтори миллӣ дар ин самт, ҳамкорӣ бо шарикони байналмилалӣ ва аҳамияти риояи уҳдадориҳои Конвенсияи манъи силоҳи биологӣ ва токсинӣ барои пешгирии таҳдидҳои биологӣ шарҳ дода шуд.
Ҳадафи асосии конфронс – мубодилаи таҷриба ва беҳтарин амалҳои самаранок дар татбиқи чораҳои эътимодбахшӣ, инчунин баррасии иқдоми муштарак барои баланд бардоштани сатҳи амнияти биологӣ дар минтақа мебошад. Иштирокчиён мушкилоти мавҷуда дар соҳаи муҳофизати биологиро баррасӣ карда, роҳҳои беҳтар намудани механизмҳои миллӣ ва байналмилалӣ барои пешгирии таҳдидҳоро муҳокима менамоянд.
Ҳамоиш ҳамчун платформаи беназир ба таҳкими ҳамкорӣ байни давлатҳои иштироккунанда ва созмонҳои байналмилалӣ, инчунин густариши ҳамкорӣ дар доираи Конвенсияи манъи силоҳи биологӣ ва токсинӣ мусоидат мекунад.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Занону модарони собиқадор бо сарбозон ва сокинони Варзоб, Файзобод, Рӯдакӣ ва Шаҳринав мулоқот намуданд
Дар Донишгоҳи давлатии Бохтар вобаста ба амнияти иттилоотӣ конференсияи ҷумҳуриявӣ баргузор шуд
Дар Хатлон бо сабаби надонистани қоидаҳои оббозӣ ва бетаваҷҷуҳии волидон 48 ҳолати ғарқшавӣ ба қайд гирифта шуд
МЕГАФОН ТОҶИКИСТОН: Кӯдаконро дар тобистон бо чӣ метавон банд кард?
Имрӯз дар шаҳри Душанбе ҳаво то 39 дараҷа гарм мешавад
Дар Турсунзода беш аз 6 ҳазор ҳолати вайронкунии қоидаҳои ҳаракат дар роҳ ошкор гардид
Дар даври дуюми Озмуни ҷумҳуриявии «Тоҷикистон-Ватани азизи ман» 2676 довталаб иштирок менамояд
Дар Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ТАЪТИЛИ ТОБИСТОНА. Дар Зафаробод 1530 нафар хонанда ба истироҳат фаро гирифта мешавад
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
