Дар Душанбе Форуми байналмилалии дипломатияи мардумӣ баргузор шуд
ДУШАНБЕ, 23.10.2024. /АМИТ «Ховар»/. 22 октябр дар Академияи идоракунии давлатии назди Президенти Ҷумҳурии Тоҷикистон таҳти унвони «Иқтидори дипломатияи мардумӣ: суратмаҷлисҳои нави ҳамкорӣ ва таҷрибаҳои беҳтарин» Форуми байналмилалии дипломатияи мардумӣ баргузор гардид. Дар ин хусус ба АМИТ «Ховар» дар Академияи идоракунии давлатии назди Президенти Ҷумҳурии Тоҷикистон хабар доданд.
Форум дар доираи омодагӣ ба Саммити байналмилалии ҷамъиятӣ, ки соли 2025 баргузор мегардад, доир шуд.
Иштирокчиёни форум масъалаи истифодаи воситаҳои дипломатияи мардумӣ тавассути созмонҳои ҷамъиятӣ ва рушди равандҳои ҳамгироии минтақавиро баррасӣ намуданд.
Ҳамчунин таҷрибаҳои ҳамкорӣ дар соҳаҳои тиҷорат, илм, маориф ва инсондӯстиро барои тарғиби қолабҳои беҳтарин ва ғояҳои инноватсионӣ мубодила карданд.
Иброз гардид, ки дар шароити муосир аҳамияти дипломатияи мардумӣ афзуда, он дар муттаҳидсозии неруҳои ҷамъиятии ҷомеаи ҷаҳонӣ ва тақвияти эътимоду ҳамдигарфаҳмӣ байни давлатҳо ва халқҳо нақши фаъолтар мебозад. Аз ин рӯ, зарурати якҷоя ҷустуҷӯ кардан, татбиқ намудан ва тарғиби қолабҳои нави ҳамкорӣ байни созмонҳои ҷамъиятии давлатҳои гуногун, ташаккул ва тасдиқи суратмаҷлисҳои нави ҳамкорӣ ба миён омадааст.
Форум дар доираи барномаи Рӯзҳои Ассамблеяи халқҳои Авруосиё ва Африқо дар Ҷумҳурии Тоҷикистон баргузор гардида, то 26 октябр идома меёбад.
АКС: Академияи идоракунии давлатии назди Президенти Ҷумҳурии Тоҷикистон
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
Бахшида ба 31-солагии таъсиси Ҳизби Халқии Демократии Тоҷикистон ҳамоиш баргузор шуд
Дар Тоҷикистон ҳавои моҳи якуми зимистон 1-2 дараҷа гарм пешгӯӣ карда мешавад
