Дар шаҳри Душанбе партовгоҳҳои замонавӣ бунёд мешаванд
ДУШАНБЕ, 21.10.2024 /АМИТ «Ховар»/. Дар доираи иҷрои дастуру супоришҳои Раиси шаҳри Душанбе барои беҳтар намудани ҳолати экологии нуқтаҳои партовҷамъкунӣ имрӯзҳо дар назди биноҳои замонавии бунёдшаванда дар пойтахт нуқтаҳои махсуси партовҷамъкунии зеризаминии дорои технологияи ҳозиразамон бунёд мешаванд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Бо мақсади риояи фарҳанги шаҳрнишинӣ, маърифат ва тарбияи экологӣ дар ҷомеа ва покиза нигоҳ доштани атрофи биноҳои баландошёна аз ҷониби сохтмончиён нуқтаҳои махсуси партовҷамъкунии зеризаминӣ сохта шуда, мутобиқ ба талаботи экологӣ партовҳо ба навъҳо ҷудо гашта, сипас ба қуттиҳо ҷойгир карда мешаванд. Масалан, дар ҳар қуттӣ ҷойгир намудани кадом навъи партов навишта шудааст. Чунин тарзи муносибат ба партов имконият медиҳад, ки шаҳрвандон партовҳоро ба навъҳо ҷудо намуда, сипас онро ба қуттиҳо гузоранд.
Яъне, бо баланд гардидани маърифатнокии экологии аҳолӣ ва муносибати дилсӯзонаи шаҳрвандон нисбат ба муҳити зист шароит фароҳам оварда мешавад, ки покизагии муҳити зист таъмин гашта, шаҳрвандон дар муҳити поку озода фаъолият намоянд.
Бо мақсади иҷрои қарори Раиси шаҳри Душанбе дар бораи «Соли маърифати экологӣ» эълон намудани соли 2024 таъмир ва навсозии нуқтаҳои партовҷамъкунӣ идома дорад. Барои пешгирӣ намудани ҳолатҳои дар ҷойҳои номувофиқ ҷойгир намудани партов дар 50 нуқтаи осебпазири ҳудуди ноҳияҳои пойтахт камераҳои мушоҳидавӣ насб карда шуда, ҳамарӯза назорат бурда мешавад.
Таъкид менамоем, ки тозагии атрофи биноҳои истиқоматӣ, атрофи нуқтаҳои партовҷамъкунӣ, новаҳои обгузар, соҳили дарёҳо ва шафати роҳҳо бевосита ба фаъолияти ҳаррӯзаи шаҳрвандон сахт марбут аст. Зеро мушоҳидаҳо нишон медиҳанд, ки то ҳанӯз шаҳрвандон дарк накардаанд, ки ҷойгир намудани партов дар нуқтаҳои партовҷамъкунӣ дар вақти муайян муқаррар карда шудааст.
Сарраёсати ҳифзи муҳити зист дар шаҳри Душанбе таваҷҷуҳи сокинонро ба масъалаҳои ҳифзи муҳити зист, махсусан ба ҷойгир намудани партов дар нуқтаҳои махсус ҷалб намуда, даъват менамояд, ки дар истифодаи партовгоҳҳои замонавӣ аз талаботи муқарраргашта истифода намуда, таъмини тозагиву озодагии пойтахтро риоя намоянд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд
Дар Суғд Форуми Муколамаи занони Осиёи Марказӣ баргузор мешавад
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд
21 СЕНТЯБР — РӮЗИ БАЙНАЛМИЛАЛИИ СУЛҲ. Тоҷикистон дар роҳи таҳкими сулҳ ва амният дар ҷаҳон пешсаф аст
