Дар шоҳроҳи байналмилалии Душанбе-Турсунзода пайкараҳои ҳайвоноти нодири Тоҷикистон гузошта шуданд
ДУШАНБЕ, 07.10.2024 /АМИТ «Ховар»/. Дар доираи бунёдкорию созандагӣ бахшида ба 35-солагии Истиқлоли давлатии Ҷумҳурии Тоҷикистон бо ибтикори Мақомоти иҷроияи ҳокимияти давлатии ноҳияи Шаҳринав дар шоҳроҳи байналмилалии Душанбе-Турсунзода пайкараҳои ҳайвонот ва парандаҳои нодири Тоҷикистон дар иҳотаи манзараҳои табиат сохта, насб карда шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав иттилоъ медиҳад.
Пайкараҳои ҳайвонот ва парандаҳои нодири табиати Тоҷикистон, аз қабили гӯсфанди Марко Поло, бабри барфӣ, оҳуи бухороӣ ва бузи пармашох (морхӯр), кабк, лак-лак ва асп
бо истифода аз сангу моддаҳои махсус аз ҷониби мутахассисон бо тарҳи замонавӣ сохта, насб гардидаанд.
Онҳо агар аз як тараф муаррифи олами бойи ҳайвонот ва манзараҳои нотакрори Тоҷикистон бошанд, аз сӯи дигар, ба ободу зебо гардидани мавзеъҳои ду канори шоҳроҳи байналмилалии Душанбе –Турсунзода, ки аз ин масир ҳамарӯза шумораи зиёди меҳмонону сайёҳони хориҷӣ убур мекунанд, мусоидат менамоянд.
Пайкараҳои ҳайвоноти нодири Тоҷикистон дар мавзеъҳои муайяншудаи шоҳроҳи байналмилалии Душанбе –Турсунзода тибқи дастури роҳбарияти ноҳия бо мусоидати мутахассисон гузошта шудаанд.
АКС: Мақомоти иҷроияи ҳокимияти давлатии ноҳияи Шаҳринав
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
