Дар Тоҷикистон ҳавои охири фасли тирамоҳ чӣ гуна мешавад?

Октябрь 21, 2024 16:21

ДУШАНБЕ, 21.10.2024 /АМИТ «Ховар»/. Дар Тоҷикистон ҳарорати моҳи ноябри соли равон чун ҳавои ноябри соли 2021 1-2 дараҷа паст дар назар дошта шудааст. Дар водиҳо ҳаво аз 7 то 10 дараҷа гарм ва дар ноҳияҳои доманакӯҳ то 7 дараҷа гарм мешавад.

Тавре ба АМИТ «Ховар» дар Агентии обуҳавошиносии мамлакат иттилоъ доданд, дар вилояти Хатлон ва водиҳои ноҳияҳои тобеи ҷумҳурӣ ҳарорати миёнаи моҳонаи ҳаво аз меъёри иқлимӣ 1 дараҷа паст пешгӯӣ мешавад.

Давоми моҳ тағйирёбии ҳарорати ҳаво аз эҳтимол дур набуда, дар водиҳо шабона аз 9 дараҷа гарм то 3 дараҷа хунук ва рӯзона аз 23 то 16 дараҷа гарм мешавад. Дар ноҳияҳои доманакӯҳӣ шабона аз 6 дараҷа гарм то 0-5 дараҷа хунук, рӯзона аз 18 то 11 дараҷа гармӣ дар назар аст. Инчунин дар рӯзҳои алоҳидаи моҳ пастшавии ҳарорати рӯзонаи ҳаво пешгӯӣ шуда, дар водиҳо рӯзона то 7 дараҷа гарм, дар ноҳияҳои доманакӯҳӣ рӯзона то 5 дараҷа гарм мешавад. Рӯзҳои алоҳида дар баъзе ноҳияҳо шиддатёбии вазиши шамол бо суръати то 17-22 метр дар як сония пешгӯӣ мешавад.

Моҳи ноябр дар вилояти Суғд ҳарорати миёнаи моҳонаи ҳаво дар ҳудуди меъёр ва дар баъзе ноҳияҳо аз меъёри иқлимӣ 1-2 дараҷа паст пешгӯӣ шуда, дар водиҳо 5+6 дараҷа гарм мешавад.

Давоми моҳ тағйирёбии ҳарорати ҳаво аз эҳтимол дур набуда, дар водиҳо шабона аз 7 то 1, рӯзона аз 17 то 11 дараҷа гарм ва дар ноҳияҳои кӯҳӣ шабона аз 1-6 то 6-11 дараҷа хунук, рӯзона аз 7+12 то 2+7 дараҷа гарм пешгӯӣ мешавад. Инчунин дар рӯзҳои алоҳидаи моҳ пастшавии ҳарорати рӯзонаи ҳаво пешгӯӣ шуда, дар водиҳо рӯзона то 2+7 дараҷа гарм ва дар ноҳияҳои кӯҳӣ аз 4 дараҷа хунук то 1 дараҷа гарм мешавад.

Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ 1-2 дараҷа пасттар пешгӯӣ мешавад. Давоми моҳ тағйирёбии ҳарорати ҳаво аз эҳтимол дур набуда, шабона аз 3-8 дараҷа хунук то 0+5 дараҷа гарм, рӯзона аз 18 то 11 дараҷа гарм пешгӯӣ мешавад. Дар рӯзҳои алоҳидаи моҳ пастшавии ҳарорати рӯзонаи ҳаво пешгӯӣ шуда, рӯзона аз 1 дараҷа хунук то 4 дараҷа гарм мешавад. Миқдори моҳонаи бориши атмосферӣ дар ҳудуди меъёри иқлимӣ, дар баъзе ноҳияҳо аз меъёри иқлимӣ зиёд дар назар дошта шудааст

Дар шарқи Вилояти Мухтори Кӯҳистони Бадахшон моҳи ноябр ҳарорати миёнаи моҳонаи ҳаво дар ҳудуди меъёри иқлимӣ, дар баъзе минтақаҳо аз меъёри иқлимӣ 1 дараҷа пасттар пешгӯӣ шуда, ҳаво 8-10 дараҷа хунук мешавад. Давоми моҳ ҳаво шабона аз 11 то 18 дараҷа хунук, рӯзона аз -2-7 дараҷа хунук то 0+5 дараҷа гарм пешгӯӣ мешавад.

АКС аз манбаъҳои боз

 

Октябрь 21, 2024 16:21

Хабарҳои дигари ин бахш

ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
Барои пешгирии амалҳои коррупсионӣ бо кормандони соҳаи тандурустии шаҳри Роғун вохӯрӣ доир гардид
МАСЛИҲАТИ МУТАХАССИС. Барои пешгирии аллергия тарзи ҳаёти солимро бояд интихоб намуд
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?