«ДУШАНБЕ-ПОЙТАХТИ ТОҶИКОН ВА ШАҲРИ СУЛҲ». Дар Китобхонаи миллии Тоҷикистон конференсияи ҷумҳуриявӣ доир шуд
ДУШАНБЕ, 09.10.2024. /АМИТ «Ховар»/. Бо ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Душанбе 8 октябр дар Китобхонаи миллии Тоҷикистон дар мавзуи «Душанбе – пойтахти тоҷикон ва шаҳри сулҳ» конференсияи ҷумҳуриявӣ баргузор гардид. Дар ин хусус ба АМИТ «Ховар» дар Кумитаи иҷроияи Ҳаракати ваҳдати миллӣ ва эҳёи Тоҷикистон хабар доданд.
Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам иброз дошт, ки дар замони соҳибистиқлолӣ бо шарофати сиёсати бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон ва ибтикору иқдоми судманди Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ пойтахти тоҷикон — шаҳри Душанбе ба макони дилфиреб, назаррабо ва шаҳри дар ҳама самтҳо пешрафта табдил гардид.
Шаҳри Душанбе ҳоло на фақат ба сифати пойтахти маъмурии давлати озоди Тоҷикистон, балки чун хонаи умеди тамоми тоҷикони ҷаҳон ва макони меҳварии ваҳдати халқи Тоҷикистон эътироф гардидааст. Бунёди роҳҳо, бинову иншооти муҳташам, корхонаҳои бузурги саноатӣ, марказҳои фарҳангиву тафреҳӣ ва тиҷоратӣ, боғу гулгашт, майдончаҳои варзишӣ ва дигар иншооти маъмуриву хизматрасонӣ нишони иқдоми созандаи Роҳбари ҷавони шаҳр буда, раванди ташаккули тамаддуни миллатро дар худ инъикос мекунанд.
Муовини Раиси шаҳри Душанбе Дилбар Одилзода изҳор дошт, ки замони асосии рушду пешрафт ва ба шаҳри ободу мутараққӣ табдил ёфтани Душанбе маҳз ба солҳои соҳибистиқлолӣ рост меояд. Дар даврони Истиқлоли давлатӣ, хусусан аз замони ба мақоми роҳбарӣ таъйин гардидани Раиси шаҳри Душанбе муҳтарам Рустами Эмомалӣ пойтахти мамлакат вориди марҳилаи нави рушду пешрафт шуда, симояшро комилан дигар намуд.
Душанбеи имрӯза ифодагари симои аслии давлату миллати куҳанбунёди мо буда, дар радифи шаҳрҳои зебоманзари ҷаҳон мавқеи хосса дорад.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
