Намояндагони Тоҷикистон дар Форуми байналмилалӣ оид ба истифодаи технологияҳои рақамӣ дар соҳаи омор иштирок доранд
ДУШАНБЕ, 03.10.2024. /АМИТ «Ховар»/. Намояндагони Тоҷикистон таҳти роҳбарии Директори Агентии омори назди Президенти Ҷумҳурии Тоҷикистон Ҷамшед Нурмаҳмадзода дар Форуми байналмилалӣ оид ба истифодаи васеи технологияҳои рақамӣ дар соҳаи омор ва муосиркунонии низоми омори миллӣ дар заминаи табдилдиҳии рақамӣ, ки аз ҷониби Кумитаи байнидавлатии омори Иттиҳоди Давлатҳои Мустақил бо Агентии омори назди Президенти Ҷумҳурии Узбекистон дар шаҳри Тошканд доир мегардад, иштирок доранд. Дар ин хусус ба АМИТ «Ховар» дар Агентии омори назди Президенти Ҷумҳурии Тоҷикистон иттилоъ доданд.
Дар форум 150 нафар мутахассисону коршиносони ташкилоти байналмилалӣ аз кишварҳои аъзои Иттиҳоди Давлатҳои Мустақил иштирок доранд.
Ҳадафи форум аз ҷамъ овардани намояндагони мақомоти омори кишварҳои аъзои Иттиҳоди Давлатҳои Мустақил аз он иборат аст, ки ба раванди таҳияи маълумоти оморӣ масъул мебошанд.
Дар форум тадбирҳои баланд бардоштани сифати маълумоти омори расмӣ бо истифодаи васеи технологияҳои рақамӣ, такомули мунтазам ва ҳамоҳангсозии низоми омори миллӣ ба низоми омори байналмилалӣ ва принсипҳои асосии (бунёдии) омори расмӣ, баррасии истифодаи зеҳни сунъӣ дар заминаи табдилдиҳии рақамӣ дар баҳисобгирии оморӣ ва истифода бурдани манбаъҳои алтернативии маълумот баррасӣ мешаванд.
Дар ҳошияи форум тибқи рӯзнома намояндаи Агентии омори назди Президенти Ҷумҳурии Тоҷикистон дар мавзуи «Татбиқи технологияҳои рақамӣ дар низоми баҳисобгирии оморӣ ва муосиркунонии низоми баҳисобгирии оморӣ» маъруза намуд. Форум 2 октябр оғоз гардида, то 4 октябр идома меёбад.
АКС: Агентии омори назди Президенти Ҷумҳурии Тоҷикистон
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Агентии обуҳавошиносии Тоҷикистон бо Агентии байналмилалии энергияи атомӣ Ёддошти тафоҳум ба имзо расонид
Дар вилояти Хатлон ҷаласаи корӣ оид ба вазъи зимистонгузаронӣ доир шуд
Дар шаҳри Истаравшан Маркази саломатӣ ба истифода дода шуд
