Роҳҳои ҷамоатҳои деҳоти «Алмосӣ», Мирзо Ризо ва Мирзо Турсунзодаи шаҳри Ҳисор таъмир ва мумфарш мегарданд

ДУШАНБЕ, 03.10.2024 /АМИТ «Ховар»/. Дар доираи омодагӣ ба 35-солагии Истиқлоли давлатии Ҷумҳурии Тоҷикистон бо саҳми соҳибкорон ва аҳолии Ҷамоати деҳоти «Алмосӣ»-и шаҳри Ҳисор роҳҳои дохилидеҳавии ҷамоат таъмиру таҷдид ва мумфарш мегарданд. Дар Мақомоти иҷроияи ҳокимияти давлатии шаҳри Ҳисор ба АМИТ «Ховар» иттилоъ доданд, ки мумфаршкунии роҳи деҳаи Зиракии Ҷамоати деҳоти «Алмосӣ» оғоз ёфт.

Ин роҳ дар масофаи 1,5 км бахшида ба ҷашни 35-солагии Истиқлоли давлатии Ҷумҳурии Тоҷикистон таъмиру таҷдид ва мумфарш мегардад.

Сокинони деҳаи Нурободи Ҷамоати деҳоти Мирзо Ризои шаҳри Ҳисор низ дар доираи корҳои ободонӣ бахшида ба ҷашни 35-солагии Истиқлоли давлатии Ҷумҳурии Тоҷикистон бо ҳисси баланди ватандӯстӣ ва саҳм гузоштан дар корҳои ободонии маҳалли зист қариб 1,5 км роҳи байнидеҳавиро таъмир ва мумфарш намуданд.

Сокинони деҳаи Чаманзори Ҷамоати деҳоти ба номи Мирзо Турсунзода тасмим гирифтаанд, ки дар раванди корҳои ободонию бунёдкорӣ беш аз 4 км роҳи байнидеҳавиро мумфарш намоянд.

АКС: Мақомоти иҷроияи ҳокимияти давлатии шаҳри Ҳисор