Тоҷикистон ва Бонки осиёии рушд ҳамкориро дар самти экология, энергетика ва саноат тақвият мебахшанд
ДУШАНБЕ, 02.10.2024 /АМИТ «Ховар»/. 2 октябр дар Душанбе вохӯрии муовини якуми Сарвазири Ҷумҳурии Тоҷикистон Ҳоким Холиқзода бо ҳайати Бонки осиёии рушд таҳти роҳбарии директори иҷроияи Бонки осиёии рушд Викас Шил баргузор гардид, хабар медиҳад АМИТ «Ховар».
Ҷонибҳо вазъи кунунии робитаҳо ва дурнамои ҳамкории Тоҷикистон ва Бонки Осиёии рушд, ҷараёни таҳаввулоти иқтисодӣ ва ислоҳот, инчунин маблағгузории самтҳои афзалиятнок вобаста ба масъалаҳои тағйири иқлим, гузариш ба иқтисоди «сабз» ва навсозии иншооти стратегии мамлакатро баррасӣ намуданд.
«Мо саҳми Бонки осиёии рушдро дар масъалаҳои тағйирёбии иқлим хеле қадр мекунем ва умедворем, ки ҳамкорӣ дар ин самт густариш меёбад. Масъалаҳои об ва масъалаҳои тағйирёбии иқлим ба ҳам алоқаманданд ва дар ин замина Президенти Тоҷикистон муҳтарам Эмомалӣ Раҳмон ба ин аҳамияти хосса медиҳанд. Мо кӯшишҳои Бонки осиёии рушдро дар самти тағйирёбии иқлим, аз ҷумла барномаи нави минтақавии Хазинаи сабзи иқлим «Аз пиряхҳо ба хоҷагиҳо» дастгирӣ мекунем. Инчунин омодаем, ки бо дастаи Бонки осиёии рушд барои муайян намудани афзалияти иқлим дар Стратегияи нави ҳамкории иқлимии Бонки осиёии рушд барои Ҷумҳурии Тоҷикистон ҳамкории зич ба роҳ монем»,-гуфт Ҳоким Холиқзода.
Муовини якуми Сарвазири Ҷумҳурии Тоҷикистон Ҳоким Холиқзода ба ҳайати бонк ҷиҳати дастгирии лоиҳаи Роғун, ки моҳи майи соли равон дар шаҳри Тифлис зимни мулоқот бо президенти Бонки осиёии рушд Масатсугу Асакава низ баррасӣ шуда буд, изҳори сипос намуд.
«Моҳи майи соли 2025 дар Душанбе конфронси Созмони Милали Муттаҳид оид ба масълаи пиряхҳо доир мегардад, ки мо ба дастгирии Бонки осиёии рушд дар ин самт ва иштироки бонк дар ин конфронс умед дорем. Ҳамчунин бояд изҳор намоям, ки ташаббуси Бонки осиёии рушд оид ба ҷудо намудани беш аз 100,0 миллиард доллар барои мубориза бо тағйирёбии иқлим барои кишварҳои рӯ ба тараққӣ сазовори эҳтироми бузург аст», — афзуд муовини якуми Сарвазири Ҷумҳурии Тоҷикистон.
Ҷонибҳо иброз намуданд, ки дар густариш ва таҳкими минбаъдаи ҳамкорӣ дар бахшҳои экология, энергетика, саноат, технологияҳои иттилоотӣ, хизматрасонии бонкӣ, молиявӣ ва дигар бахшҳои пешбари иқтисодиёт дурнамои бузургро мебинанд.
АКС: АМИТ «Ховар»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
ҚУРБИ АСЪОР: 1 доллари ИМА аз 9.1800 то 9.2592 сомонӣ муқррар шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
