ЗИМИСТОНГУЗАРОНӢ. Дар соҳаи маорифи шаҳри Роғун 463 тонна ангишт, 215 метри мукааб ҳезум ва 2320 литр сӯзишвории дизелӣ захира шудааст
РОҒУН, 20.10.2024. /АМИТ «Ховар»/. Барои иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» нақшаи чорабиниҳои шаҳри Роғун бобати боз ҳам беҳтар омода намудани шароити корӣ ва таҳсил барои хонандагон тасдиқ гардид. Дар асоси он дар соҳаи маориф 463 тонна ангишт, 215 метри мукааб ҳезум ва 2320 литр сӯзишвории дизелӣ захира карда шуд. Инчунин дар марказҳои саломатии деҳот ва бунгоҳҳои тиббию филиалҳои китобхонаҳои шуъбаи фарҳанги шаҳр 46 тонна ангишт, 32 метри мукааб ҳезум ва сӯзишвории дизелӣ захира гардидааст.
Аз ҳисоби буҷети шаҳри Роғун барои хариди ангишту сӯзишворӣ барои сохторҳои давлатӣ 717,2 ҳазор сомонӣ пешбинӣ шуда, то ин давра 95 фоизи ин маблағ ҷудо гардидааст.
Тибқи маълумоти пешниҳоднамудаи раисони ҷамоатҳои шаҳраку деҳот, барои гузаронидани мавсими тирамоҳу зимистон бояд аз тарафи аҳолии деҳаҳои ҳудуди шаҳри Роғун 7374,2 тонна ангишт, 11884,3 метри мукааб ҳезум ва 14548 литр сӯзишворӣ захира карда шавад. Хушбахтона, аҳолии шаҳр то имрӯз зиёда аз 6000 тонна ангишт, 10 225 метри мукааб ҳезум ва ба қадри кофӣ сӯзишвории дизелӣ захира намудаанд.
Корхонаи воҳиди давлатии “СОКО ва ХМК” дар шаҳри Роғун барои таъмини оби нӯшокӣ дар 3505 хоҷагӣ, 42 корхонаи буҷетӣ ва 97 корхонаи худмаблағгузор ва хусусӣ хизмат мерасонад. Дар корхона 7 чоҳи амудӣ, 7 трансформатори гуногунҳаҷм ва 27 км хати оби нӯшокӣ дар ҳолати корӣ қарор доранд. Ҳамчунин барои мавсими тирамоҳу зимистон шаш техникаи гуногун омода шуда, ба миқдори зарурӣ маводи зиддилағжиш захира гардидааст.
Бо мақсади пура таъмин намудани аҳолии шаҳр бо қувваи барқ дар давраи тирамоҳу зимистон аз тарафи шабакаҳои барқи шаҳри Роғун корҳои таъмир, илова намудани равғани трансформаторҳои қудратӣ бо таҷҳизоти қудратии равғандор, иваз намудани ҷудокунакҳои ростпайванд, буриши дарахтон дар хатҳои барқ ва дигар корҳо амалӣ мегарданд.
Субҳониддини МАҲМУД,
АМИТ «Ховар»
АКС: АМИТ «Ховар»
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
Имрӯз дар водиҳои Тоҷикистон ҳаво то 25 дараҷа гарм мешавад
ТАҚВИМИ АМИТ «ХОВАР»: имрӯз 1 ноябр, шанбе, 305-умин рӯзи соли 2025 аст
Дар Институти фалсафа, сиёсатшиносӣ ва ҳуқуқ таҳти унвони «Конститутсия — санади олии ҳуқуқӣ» конференсия баргузор шуд
Таҳти унвони «Илм ва таҳсилот баҳри солимии миллат» конференсияи илмӣ-амалӣ баргузор гардид
Дар шаҳру ноҳияҳои вилояти Суғд намоиш — фурӯши ангишт доир гардид
Барои таъмини тозагии муҳити атроф ба шаҳру ноҳияҳои вилояти Суғд 10 адад мотороллери барқӣ дастрас гардид
