Дар Душанбе масоили таҷҳизонидани муассисаҳои таҳсилоти ибтидоӣ ва миёнаи касбӣ бо технологияи муосир баррасӣ шуд
ДУШАНБЕ, 12.11.2024 /АМИТ «Ховар»/. Самтҳои фаъолият ва дурнамои рушди соҳаи таҳсилоти ибтидоӣ ва миёнаи касбӣ, мушкилоти ҷойдошта дар ин самт, аз қабили тармиму таъмири бинои муассисаҳои таҳсилоти миёнаи касбӣ ва таҳкими пояи моддиву техникии ин муассисаҳо 11 ноябр дар мулоқоти Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ва офитсери шуъбаи иҷтимоии Бонки Осиёии рушд хонум Шин Лонг баррасӣ шуданд. Дар ин хусус ба АМИТ «Ховар» дар ин кумита хабар доданд.
Фарҳод Раҳимӣ иброз дошт, ки масъалаҳои муҳиму ҳалталабе, ки имрӯз Кумита оид ба таҳсилоти ибтидоӣ ва миёнаи касбӣ бо рӯ ба рӯ аст, бо лавозимоти озмоишгоҳӣ, асбобу анҷом, техникаву технологияи зарурӣ, асбоби аёнӣ, китобҳои дарсиву модулҳои таълимӣ, дастурамалҳои корӣ ва тавсиявӣ таъмин намудани муассисаҳои таълимии таҳсилоти ибтидоӣ ва миёнаи касбӣ ба ҳисоб меравад.
Шин Лонг гуфт, ки Бонки Осиёии рушд омода аст дар робита ба мушкилоти ҷойдоштаи соҳа, аз ҷумла сохтмони биноҳои хуштарҳу замонавӣ, таҳкими пояи моддию техникӣ, асбоби аёнӣ, китобҳои дарсиву модулҳои таълимӣ ва дастурамалҳои корӣ ба кумита муосидат намояд. Инчунин Бонки Осиёии рушд дар мавриди сохтани бинои сеошёна бо таҳхона, ки барои фанҳои дақиқ, алалхусус риёзӣ ихтисос дода мешавад, изҳори омодагӣ намуд. Гуфта шуд, ки сохтмони бино нимаи дуюми соли 2025 оғоз гардида, соли 2026 ба истифода дода мешавад.
Ҷонибҳо барои таҳкиму густариши бештари ҳамкории муштарак ва истифодаи тамоми имконияту зарфияти мавҷуда изҳори ҳавасмандӣ намуда, таъкид доштанд, ки барои расидан ба мақсадҳо дар ин замина амалан талош мекунанд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
