Дар Душанбе татбиқи лоиҳаҳои Бонки Осиёии рушд баррасӣ гардид

ДУШАНБЕ, 14.11.2024 /АМИТ «Ховар»/. 13 ноябр дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон татбиқи лоиҳаҳои Бонки Осиёии рушд мавриди баррасӣ қарор гирифт, иттилоъ медиҳад  АМИТ «Ховар» ба истинод ба ин кумита.

Дар вохӯрӣ Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо ҳайати Бонки Осиёии рушд татбиқи лоиҳаҳои сармоягузории давлатии аз ҷониби ин бонк маблағгузоришаванда, аз ҷумла лоиҳаҳои «Беҳтарсозии малакаҳои касбӣ ва имконияти бокортаъминшавӣ» ва «Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика»-ро баррасӣ карданд.

Ҷонибҳо аз татбиқи лоиҳаҳо изҳори қаноатмандӣ намуданд. Ҳамзамон  барои боз ҳам тақвият бахшидани ҳамкорӣ дар доираи дигар лоиҳаҳои нави сармоягузории давлатӣ изҳори омодагӣ карда шуд.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон